АҞӘА, хәажәкыра 29 - Sputnik. Имазеиу урыстәылатәи аҳәаанырцәтә тәылауаҩшәҟә ҿыцқәа изтәу ирырҭалоит мшаԥымза 1 азы Урыстәыла Ацҳаражәҳәарҭа Гагратәи аконсултә пункт аҿы. Абри атәы аанацҳауеит Аԥсны иҟоу Урыстәыла Ацҳаражәҳәарҭа апресс-маҵзура.
Атәылауаҩшәҟәқәа рырҭалоит асааҭ 12:00 инаркны 15:00 рҟынӡа.
Аконсулраҿы ауаа даҽазнык иргәаладыршәоит, адокумент ҿыц аиуразы зыҿҳәара мцац аҳәаанырцәтә тәылауаҩшәҟәы ма аҩнуҵҟатә тәылауаҩшәҟәы шдырбатәу.