Очамчыра араионтә еизара адепутатцәа раԥшьгарала Аԥсны Аҳәынҭқарраҟны Ахәыҷы изинқәа рзы азинмчы змоу Мактина Џьынџьалԥҳаи дареи реиԥылара мҩаԥган. Ирылацәажәеит зылшарақәа ԥку ахәыҷқәа адгылара рыҭареи иҭышәынтәалам аҭаацәарақәа рҟны изызҳауа хылаԥшра рзуреи атәы. Адепутатцәа рыхәҭаахьала ирҳәеит арҭ азҵаарақәа рыӡбара ишадгыло, убасгьы ахәыҷтәы- церебралтә дабла змоу ахәыҷы иан аԥаратә цхыраара лырҭеит.
Аицәажәара шәаҳар шәылшоит аудиофаил аҟны.