Апассаџьырцәа ахьаднакылоз Гагратәи авокзал официалла иаартын 1951 шықәсазы.
"Гагра ҿыц" ахыбра ргылан архитектор Зоиа Поченцова-Орлинскаиа лпроект ала.
Авокзал аҩнуҵҟа уамакала иԥшӡан: алиустрақәа, авитражқәа, арԥшьшьақәа, аҭӡынҵақәа, аҭуаннҵақәа.
Апассаџьырцәа ахьԥшыз руадақәа аҳҭынрақәеи аханқәеи реиԥш еиҿкаан.
Ԥыҭрак ашьҭахь "Гагра ҿыц" ивокзал хадахеит.
Араҟа иаанҿасуан адәыӷбақәеи аелектричкақәеи.
Уахыки-ҽнаки рыла авокзал 1500-ҩык апассаџьырцәа роушьҭразы алшара аман.
Асоветтә аамҭазы араҟа аус руан 200-ҩык ауааԥсыра.
Аԥсны Аџьынџьтәылатә еибашьра ашьҭахь егьырҭ аихамҩатә аангыларҭақәа рлахьынҵа алахьынҵахеит гагратәи авокзалгьы. Иахьа игәыгәҭажьуп, аилаҳара иаҿуп.
Уажәазы авокзал аусура еилашуеит акурорттә аамҭазы, дәыӷбала арахь иаҭаауеит аԥсшьаҩцәа.
Авокзал еилаҳаны ишыҟоугьы, азалқәа еиқәханы иҟоуп. Иара убас еиқәханы иҟоуп арԥшьшьақәа, аҭӡынҵақәа, аҭуаннҵақәа, аха аԥенџьырқәеи авитражқәеи ԥҽуп.
Авокзал аиҭашьақәыргыларатә усурақәа азутәуп.