Аиааира аҳаҭыр азы: Дәрыԥшь аҽыбӷаҟазаратә еицлабрақәа

1941-1945 шықәсқәа рызтәи Аџьынџьтәылатә еибашьра Ду аан игаз Аиааира 77 шықәса ахыҵра аҳаҭыр азы Дәрыԥшь ақыҭа аҽырҩырҭаҿы аҽыбӷаҟазаратә еицлабрақәа ирылагеит.

Аицлабрақәа рыпрограмма иалоуп аҵәеигәыдҵа, аҽылампыл, аҽырхәмарра, аҳәаҟьара.

1941-1945 шықәсқәа рызтәи Аџьынџьтәылатә еибашьра Ду аан игаз Аиааира 77 шықәса ахыҵра аҳаҭыр азы Дәрыԥшь ақыҭа аҽырҩырҭаҿы аҽыбӷаҟазаратә еицлабрақәа хыркәшахоит лаҵара 9 рзы. Аиааира згаз ахраҿақәеи аԥаратә ҳамҭақәеи ранаршьоит.

1941-1945 шықәсқәа рызтәи Аџьынџьтәылатә еибашьра Ду иалахәын 55 нызқьҩык инареиҳаны Аԥсны ауааԥсыра, урҭ рахьтә 17 нызқь инареиҳаны аибашьра адәы изалымҵит. "Асовет Еидгыла Афырхаҵа" ҳәа ахьӡ ҳарак иаԥсахеит Аԥсны атәылауаа 22-а.

1 / 11

1941-1945 шықәсқәа рызтәи Аџьынџьтәылатә еибашьра Ду аан игаз Аиааира 77 шықәса ахыҵра аҳаҭыр азы Дәрыԥшь ақыҭа аҽырҩырҭаҿы аҽыбӷаҟазаратә еицлабрақәа ирылагеит лаҵара 8 рзы.

2 / 11

Аицлабрақәа ирылахәуп Гәдоуҭа араион ақыҭақәа быжьба рҟынтәи акомандақәа: Аацы, Ҟәланырхәа, Аҷандара, Жәандәрыԥшь, Дәрыԥшь, Лыхны, Џьырхәа.

3 / 11

Аицлабра апрограмма иалоуп ԥшьы-хкык аиндаҭларақәа.

4 / 11

Уи аҵәеигәыдҵа, аҽылампыл, аҽырхәмарра, аҳәаҟьара.

5 / 11

Иара убас аҽыбӷаҟазацәа 1400, 1800, ҩынтә 2000, иара убас 4000 метра иҟоу абжьаӡарақәа рҟны еиԥхныҩлоит.

6 / 11

Аҽырыҩрақәа ирылахәуп зықәра анаало, иҷыдоу азыҟаҵара змоу аҽқәеи аҽыбӷаҟазацәеи.

7 / 11

Аныҳәамшқәа раан амш шәшьын, ақәа леиуан.

8 / 11

Ари аҽыбӷаҟаза аҵәеигәыдҵа далахәуп.

9 / 11

Аԥҟарақәа рыла, аҵәы ануршәлак, аҽыуаҩ иқәшәароуп, ма аҽы иақәшәароуп.

10 / 11

Аҵәы аҽыуаҩ иқәшәар, ҩ-баллк уоуеит, аҽы иақәшәар - баллк.

11 / 11

Аиааира Ду 77 шықәса ахыҵра аҳаҭыр азы Дәрыԥшь ақыҭа аҽырҩырҭаҿы аҽыбӷаҟазаратә еицлабрақәа хыркәшахоит лаҵара 9 рзы.