"Смуглианкеи" "Катиушеи": Аԥсны акамертә оркестр аконцерт шымҩаԥысыз

Аԥсны Аҳәынҭқарратә камертә оркестр инанагӡеит аклассикатә музкатә рҿиамҭақәа, зегьы бзиа еицырбо Аиааира иазку ашәақәа "Катиуша", "Смуглианка", "Аиааира Амш" уҳәа ирацәаны, иара убас аԥсуа традициатә ашәақәагьы.

Аиҿкааҩцәа "Гәыма" аҿы ирылшеит аныҳәатә гәалаҟазаара аԥҵара, иахьабалак икнаҳа Георги ицахақәа, Аиааира абираҟқәа ргылан. Иара убас асовет аамҭазтәи амашьына ГАЗ 21 "Волга" цәырган. Уи ахәаԥшцәа аӡәырҩы адеизалеит.

Аконцерт еиҿыркааит акультура-усутә хәышҭаара "Гәыма", Аԥсны иҟоу аурыс џьынџьуаа реиҿкаарақәа ркоординациатә хеилак Аԥсны иҟоу Урыстәыла Ацҳаражәҳәарҭа адгыларала.

1 / 15

Аԥсны есышықәсеиԥш сынтәагьы Аџьынџьтәылатә еибашьра Ду аҿы
игаз Аиааира амш нарҭбааны иазгәарҭоит.

2 / 15

Атәыла ахы-аҵыхәа имҩаԥысуеит агәалашәаратә усмҩаԥгатәқәеи аконцертқәеи.

3 / 15

Аныҳәа азгәаҭара иалагоит Лаҵара 9 мышқәак шагу.

4 / 15

Аиааира Амш аламҭалаз акультура-усутә хәышҭаара "Гәыма" аҿы имҩаԥысит аконцерт.

5 / 15

Ахәаԥшцәа рҿаԥхьа иқәгылеит Аҳәынҭқарратә камертә оркестр.

6 / 15

Давид Терзиан напхгара зиҭо аколлектив инанагӡеит еицырдыруа аибашьратә ашәақәа.

7 / 15

Арҿиамҭа дуқәа ирзыӡырҩырц "Гәыма" ахь иааит ауаа рацәаны.

8 / 15

Ахәаԥшцәа ирзырҳәеит "Катиуша", "Смуглианка", "Аиааира амш" уҳәа егьырҭ ашәақәа.

9 / 15

Иара убасгьы иадырҳәеит аԥсуа традициатә музыкагьы.

10 / 15

Иацы акамертә оркестр ықәгылеит Аҳәынҭқарратә филармониаҿы. Аконцерт иара убас иалахәын ранее камерный оркестр выступил в Государственной филармонии. Вадим Судаков ихьӡ зху Москва Аҳәынҭқарратә капелла.

11 / 15

"Гәыма" аҿы ашәақәа нарыгӡон ахкынагӡаҩцәа Елена Анқәаб, Алхас Ферзба, Асҭамыр Кәыҵниа.

12 / 15

Ахәаԥшцәагьы ирдыруаз ашәақәа рыцырҳәон.

13 / 15

Аконцерт анхыркәшаха аҭааҩцәа акыраамҭа рнапеинҟьабжьқәа еихсыӷьуамызт, артистцәа иҭабуп ҳәа рарҳәон ари аҩыза аконцерт азы.

14 / 15

"Аиааира амузыка" сааҭк ицон.

15 / 15

Аконцерт еиҿыркааит акультура-усутә хәышҭаара "Гәыма", Аԥсны иҟоу аурыс џьынџьуаа реиҿкаарақәа ркоординациатә хеилак Аԥсны иҟоу Урыстәыла Ацҳаражәҳәарҭа адгыларала.