Аԥснытәи ашьхақәа ирыгәҭылак: аҵкы ԥшӡақәа зышәҵаны зыԥсы зшьо аҭыԥҳацәа

Аԥсныҟа атуристцәа аауеит амшын иҭаланы рҿыркәабарц азы адагьы ашьхарахь ахаларазгьы. Аҵкы ԥшӡақәа зшәу аҭыԥҳацәа ашьха рфотоқәа шҭырхуа асоциалтә ҳақәа рҿы лассы-лассы иубар улшоит.

Аӡә иимбац афотоқәа рҭыхразы аԥсшьаҩцәа еиуеиԥшым аҭыԥқәа рахь ицоит - Каман ақыҭахь, Ауадҳараҟа, Гагратәи ашьхеибаркырахь, Иаӷьатәи аӡхыҽҽахьы.

Уахь ахалара шымариамгьы, аҭыԥ аҿы ианнеиуа рааԥсарақәа зегьы рхашҭуеит, изызгәышьуаз афотоқәагьы рҭыхра иалагоит.

1 / 10

Каман ақыҭахь уназго амҩа иаԥну аӡиас Гәымсҭа ахықәан аҭыԥҳа лфото ҭылхит, лыкәша-мыкәша иҟоу аԥшӡарагьы лбеит.

2 / 10

Ауадҳара атиульпан еиқәаҵәақәа рдәаҿы ашәҭыц еиԥш лыҵкы ҩежь лышәҵаны лфото ҭылхит.

3 / 10

Ари афото ҟаҵоуп Гагратәи ашьхеибаркыраҿы. Аҭыԥҳа лыҵки ажәҩани рыԥшшәқәа еилаҵәоит.

4 / 10

Кушонтәи акаҵәара аԥсшьаҩцәа бзиа ибаны иаҭаауеит.

5 / 10

Шакурантәи аӡхыҽҽа иҷыдоу аԥшӡара амоуп, арахь атуристцәа аӡәырҩы рымҩа хоуп.

6 / 10

Аҵкы шкәакәа, аԥҭа ӡышқәа, анаҟә - абарҭ зегь џьарак ианеицыҟоу афотоҭыхыҩ изы инасыԥуп.

7 / 10

Аҵкы ҟаԥшь зшәу аҭыԥҳа ашьха ақәцәан дахьықәгылоу улаԥш дыҵамшәар ауам.

8 / 10

Ари аҭыԥҳа лакәзар, ашьха иқәыԥхо амра ашәахәақәа лыҽрыҭан дгылоуп.

9 / 10

Иаӷьатәи аӡхыҽҽа амҵан афотоқәа рҭыхра бзиа изымбо дыҟоума, ара аԥшӡареи ахьшәашәареи аҳра руеит.

10 / 10

Аԥсны ашьхарақәа рыԥшӡара акы иеиԥшым, урҭ знык ирҭааз хымԥада ҩаԥхьа дхынҳәыр иҭаххоит.