Аԥсны аинтересқәа рыхьчараҿы: Александр Анқәаб 70 шықәса ихыҵит

Александр Анқәаб диит ԥхынҷкәын 26 1952 шықәса рзы Аԥснытәи АССР аҿы.

1974 шықәса рзы Анқәаб далгеит Ростовтәи аҳәынҭқарратә университет аиуристтә факультет. Аҟаза қәыԥш изанааҭ ала аусура далагеит Аԥснытәи АССР Аиустициа аминистрраҿы, Гәдоуҭатәи араиком акомсомол амаӡаныҟәгаҩыс дыҟан, Гәдоуҭатәи аҩнуҵҟатәи аусқәа рраионтә ҟәша деиҳабын.

1983 - 1990 шықәсқәа рзы Анқәаб Қырҭтәылатәи ССР аҩнуҵҟатәи аусқәа рминистр ихаҭыԥуаҩс дыҟан, аха ақырҭуа еиҳабыра рыбжьара Аԥсни аԥсуаа рганахьала ацәымӷрақәа шьҭыҵуа ианалага, иусура шаанижьуа азы арапорт иҩын, Аԥсныҟа дхынҳәит.

1991 шықәса рзы Аԥсны Иреиҳаӡоу Ахеилак адепутатс далхын, 1992-1993 шш. рызтәи Аԥсны Аџьынџьтәылатә еибашьраан ареспублика Атәылахьчаразы Аҳәынҭқарратә еилакы далахәылан.

1994 - 2004 шш. рзы Анқәаб дынхон Москва, абизнес инапы алакын.

2005 шықәса рзы иара Аԥсны аԥыза-министрс дҟарҵеит, ари амаҵура дахагылан 2010 рҟынӡа. 2010 шықәса жәабранмзазы Анқәаб Аԥсны ахада ихаҭыԥуаҩс дҟалеит, 2011 шықәса нанҳәамзазы - Аԥсны ахадас, иара ари амаҵура дахагылан 2014 шықәса рҟынӡа.

2017 шықәса рзы Александр Анқәаб Аԥсны Жәлар Реизара адепутатс далырхит, 2020 шықәса рзы ареспублика аԥыза-министр имаҵура дахадыргылеит.

Анқәаб дҭаацәароуп, ҩыџьа аԥацәа драбуп.

1 / 12

Ԥхынҷкәын 26 1952 шықәса рзы диит Аԥсны аԥыза-министр Александр Анқәаб. Еиуеиԥшым ашықәсқәа рзы иара иааникылон Аԥсны аҩнуҵҟатәи аусқәа рминистр инапынҵақәа рынагӡаҩ, ахада ихаҭыԥуаҩ, ахада, Жәлар Реизара адепутат уҳәа амаҵурақәа.

Амедиаҵәахырҭахь аиасра

2 / 12

2012 шықәса лаҵарамзазы усҟан Аԥсны ахадас иҟаз Александр Анқәаби Урыстәыла ахада Владимир Путини реиԥылара мҩаԥысит аҳәынҭқарратә резиденциа "Бочаров ручей" аҿы.

Амедиаҵәахырҭахь аиасра

3 / 12

2014 шықәса рзы Александр Анқәаби Дмитри Медведеви реиԥылара мҩаԥысит Аԥсни Урыстәылеи рҳәааҿы автомобилтә цҳа аартраан.

Амедиаҵәахырҭахь аиасра

4 / 12

Аԥыза-министр занааҭла диуриступ, 1974 шықәса рзы далгеит Ростовтәи аҳәынҭқарратә университет аиуристтә факультет, 1987 шықәса рзы – ЦК КПСС аҿы иҟаз Ауаажәларратә ҭҵаарадыррақәа ракадемиа.

5 / 12

2017 шықәса рзы Анқәаб Аԥсны Жәлар Реизара Апарламент адепутатс далырхит.

6 / 12

2020 шықәсазтәи Аԥсны ахада иалхрақәа раан Анқәаб дадгылеит иахьа ахадас иҟоу Аслан Бжьаниа икандидатура.

7 / 12

2020 шықәса мшаԥы 24 рзы Аԥсны ахада иусԥҟала Анқәаб аԥыза-министрс дҟаҵан.

8 / 12

Александр Анқәаб иусуратә ҭыԥ аҿы.

9 / 12

Ԥхынҷкәын 26 рзы Александр Анқәаб 70 шықәса ихыҵуеит.

10 / 12

Александр Анқәаби Александр Новаки Москва имҩаԥысыз Аԥсни Урыстәылеи рсоциал-економикатә усеицураз Аиҳабырабжьаратә комиссиа азеижәтәи аилатәара ашьҭахь.

11 / 12

Аԥсны аԥыза-министр Александр Анқәаб "Ахьӡ-аԥша" аорден I аҩаӡара ианашьоуп аԥсуа ҳәынҭқарра ашьақәыргылареи аизҳареи аҟны илшамҭа дуқәеи ауаажәларра-политикатә усуреи рзы.

12 / 12

Sputnik аԥыза-министр изеиӷьаршьоит агәабзиара, ақәранҵыра ду, изанааҭ аҟны ақәҿиарақәа.