Еилаарцыруа лашарабагала: Аԥсны аԥсаӡ хадақәа шдырхиаз

Ашықәсҿыцазтәи аныҳәақәа аԥсаӡ ада ҟалашьа амам. Аԥсны араионқәа зегьы рҟны аныҳәатә гәалаҟазаара аԥҵоуп, ԥшшәы рацәала, еилаарцыруа аԥсаӡқәа рхиоуп.

Ҳтәыла ахы-аҵыхәа аԥсаӡқәа ахьгылоу иаҭаауа ауаа рзы еиуеиԥшым атетралтә қәгыларақәа мҩаԥыргоит, аха-мыхаақәа рҭиуеит, ажәакала, хәыҷи-дуи рзы аныҳәатә гәалаҟазаара аԥырҵоит.

1 / 8

Аԥсны аԥсаӡ хада дыргылеит Аҟәа Ахақәиҭра ашҭаҿы.

2 / 8

Зеиԥш ыҟам аҳамҭа роуит Тҟәарчалаа, урҭ рыԥсаӡ еиуеиԥшым ахәмаргақәа рыла ишҩычоугьы, абант ҟаԥшь арҭеит.

3 / 8

Очамчыра араион ахадара аҿаԥхьа иргылоуп хәыҷи-дуи ахьадеизало аԥсаӡ.

4 / 8

Галтәи аԥсаӡ ргылоуп акультуратә ҩны аҿаԥхьа,
уи еилаарцыруа лашарабагала ирҩычеит,

5 / 8

Аныҳәатә гәалаҟазаара аԥҵоуп Афонҿыцгьы. Араҟа убас лашарбагала иҩычоуп, аиашазы алакә аҟны уҟәоушәа унарбоит.

6 / 8

Гәдоуҭатәи аԥсаӡ есышықәса еиԥш гьамала еиҿкаауп, "Ҽаанбзиала" ҳәа аԥсышәала аҩырагьы ануп.

7 / 8

Пицундатәи аԥсаӡ иуаркалеиуа ахәмаргақәа кнарҳаит, ашьапаҿы абнаҽацәқәа ргылоуп.

8 / 8

Гагра игылоу аԥсаӡ уахынла оумакала иԥшӡоуп, уи ауаа рацәаны иадеизалоит,