Аԥсны ашьапылампыл азы Ахраҿа хада: "Риҵеи" "Нарҭи" рыхәмарра

Аҟәатәи "Нарҭ" Аԥсны ашьапылампыл азы Ахраҿа хада иаиааит 3:2 ҳәа гәдоуҭатәи "Риҵа" ианацхәмаруаз.

Ахраҿа хадазы ахәмаррала есышықәса иаатуеит ареспублика ашьапылампылтә сезон. Уи иалахәуп ҵыԥх атәыла ачемпионат аҟны иаиааизи атәыла ахраҿа згази акомандақәа.

Ҵыԥх ачемпионрагьы Аԥсны ахраҿагьы згаз гәдоуҭатәи "Риҵа" ауп. Убри аҟнытә, Ашьапылампылтә федерациа аамҭаԥҵәа ишарбоу ала, уи аҩыза аҭагылазаашьа аныҟалалак, убасҟан иҳаҩсыз асезон аҟны ахраҿа згаз акоманда рԥылоит ачемпионат аҟны аҩбатәи аҭыԥ аанызкылаз ахәмарыҩцәа. Уи аҟәатәи "Нарҭ" акәын.

Ахраҿа хадазы ахәмарра амца аҵан, амбагьы ампылқәа маҷымкәа иҭадыршәит. Уи хыркәшан 3:2 ҳәа аҟәатәи "Нарҭ" аиааирала.

1 / 15

Аԥсны ашьапылампыл азы Ахраҿа хада агаразы гәдоуҭатәи "Риҵеи" аҟәатәи "Нарҭи" рыхәмарра мҩаԥысит аҳҭнықалақь астадион "Динамо" аҿы.

2 / 15

Ишаԥу еиԥш, Ахраҿа хадазы ахәмарра есышықәса ашьапылампылтә сезон ааныртуеит.

3 / 15

Аҩкомандакгьы аџьбарреи аиааира агәацԥыҳәареи аадырԥшит ашьапылампыл адәаҿы.

4 / 15

"Риҵа" ахәмарцәа "аҭӡы" дыргылеит "Нарҭ" ахараԥсатә мпыл ианасуаз.

5 / 15

Аиндаҭлара ашьапылампыл адәаҿы.

6 / 15

Ахәмарраҿы раԥхьатәи ампыл ҭадыршәит "Нарҭ" ахәмарцәа.

7 / 15

Аҟәаа даара иеигәырӷьеит амба агара ахьрылшаз.

8 / 15

Ахәаԥшцәагьы ркомандақәа адгылара ӷәӷәа рырҭон.

9 / 15

Ахәмарраҿы угәы иамыхәашаз хҭыскгьы ҟалеит.

10 / 15

"Риҵа" ахәмарҩы иԥсахы еибакны аӡбаҩ дисит уи иара ақьаад ҟаԥшь ахьиирбаз игәы анԥнажәа.

11 / 15

Гәдоуҭатәи ахәмарыҩ аҟәаа ржәылара ԥикуеит.

12 / 15

Хыԥхьаӡарала ишмаҷызгьы, "Риҵа" ахәмарыҩцәа ргәы карыжьуамызт.

13 / 15

2:1 ҳәа аҵахара ишаҿыз, ампыл ҭадыршәын, еиҟарартәит.

14 / 15

Аха уеизгьы "Нарҭ" ахәмарцәа рыҽдырӷәӷәан, ахԥатәи ампылгьы ҭадыршәын, 3:2 ҟалеит.

15 / 15

Абас аҟәаа риааира азгәарҭон.