Аамҭақәа иргәылсны иааиуа аԥшӡара: ауаџьаҟқәеи аԥечкақәеи Аҟәатәи амузыкатә ҵараиурҭаҿ

Аҵараиурҭа ахыбра иргылеит 1914 шықәсазы аҭуџьар Нинуа. Асовет аамҭақәа рзы акыр егьырҭ ахыбрақәа реиԥш иаргьы аҳәнҭқарра анапаҵаҟахь ииасуеит.

1930 шықәсазы апианинорҳәаҩы, акомпозитор Константин Ковач дықәгылоит Аԥсны амузыкатә ҵараиурҭа аартразы. Уи азын адгылара ииҭеит Нестор Лакоба, цәыббра 15 1930 шықәсазы аусԥҟа ҭыжьын Аԥсны раԥхьатәи аҳәынҭқарратә амузыкатә ҵараиурҭа аԥҵаразы.

Ахыбра гылоуп аҳаракыраҿы. Аҩналарҭа хадаҿ иҿоу амардуан ишнеи-шнеиуа еиԥылоит. Ахыбра аҩнуҵаҟа иара андаргылоз иацҟарҵаз ауаџьаҟқәа фба амоуп, дара аҩны ахаҭа еиԥш иҟаҵоуп амодерн астиль ала.

Аамҭа цацыԥхьаӡа џьара-џьара аахақәа роуит, аиҭашьақәыргылара рҭахуп. Ҳазҭалаз ашықәс ажьырныҳәамзазы Амузыкатә ҵараиурҭаҟны аиҭашьақәыргыларатә усурақәа рыхәҭак хыркәшан, иазгәаҭатәуп ажәытә уаџьаҟқәа ишрыламкьысыз. Урҭ хазы реиҭашьақәыргылара азгәаҭоуп.

1 / 14

Х-еихагыларак иҟоу Аҟәатәи амузыкатә ҵараиурҭа гылоуп Ҳаҭхәа ашьха ашьапаҿы.

2 / 14

Аҩны аҩнуҵаҟа иамоуп ажәытә ҟаҵара акьирамика иалху ауаџьаҟқәеи аԥечкақәеи.

3 / 14

Дара аҩны ахаҭа еиԥш иҟаҵоуп амодерн астиль ала.

4 / 14

Ауаџьаҟқәа ҟаҵоуп акерамикатә хаҳәҟьаԥсла.

5 / 14

Амузыкатә ҵараиурҭаҟны аҽазыҟаҵарақәа мҩаԥысуеит ажәытә интериер ақәыԥшылараҿы.

6 / 14

Аамҭа цацыԥхьаӡа ауаџьаҟқәеи аԥечкақәеи џьара-џьара аахақәа роуеит.

7 / 14

Дара аиҭашьақәыргылара рҭахуп.

8 / 14

Ҳазҭалаз ашықәс ажьырныҳәамзазы Амузыкатә ҵараиурҭаҟны аиҭашьақәыргыларатә усурақәа рыхәҭак хыркәшан.

9 / 14

Иазгәаҭатәуп ажәытә уаџьаҟқәа ишрыламкьысыз.

10 / 14

Урҭ хазы реиҭашьақәыргылара азгәаҭоуп.

11 / 14

Ахыбра аҩнуҵаҟа иара андаргылоз иацҟарҵаз ауаџьаҟқәеи аԥечкақәеи зегьы фба ыҟоуп.

12 / 14

Дара ахыбра рыхеихагылак рыҟны иамоуп.

13 / 14

Ауаџьаҟқәеи аԥечкақәеи рыҟны амца ҭарҵаӡом.

14 / 14

Убри аан дара аус руеит. Аибашьра ашьҭахьтәи аамҭақәа рзы аҩны арԥхаразы амца ҭарҵон.