Ахәбатәи ахада иирамш азы: Аслан Бжьаниа 60 шықәса ихыҵит

Аслан Бжьаниа диит мшаԥы 6 1963 шықәсазы, Очамчыра араион Тамшь ақыҭан. Иқыҭантәи ашкол даналга дҭалеит Фрунзетәи аполитехникатә институт, анаҩс диасуеит Москватәи автомашьына-амҩатә институт ахь, дагьалгоит 1985 шықәсазы.

1991 шықәсазы Аслан Бжьаниа далгоит СССР КГБ иреиҳаӡоу акурсқәа, 1991-1992 шықәсқәа рзы аус иуан Аԥсны КГБ аҟны. Аԥсны Аџьынџьтәылатә еибашьра ашықәсқәа рзы атәыла ахада Гәдоуҭа ашәарҭадаратә маҵзура аҟны аус иуан.

1999 шықәсазы Аслан Бжьаниа далгеит Урыстәыла Аиҳабыра рыҟны иҟоу жәлар рынхамҩа Академиа. 1999-2008 шықәсқәа рзы Урыстәыла анаплакытә усқәа дырҿын, 2010 шықәсазы Урыстәыла иҟоу Аԥсны ахаҭарнак аекономикатә зҵаарақәа рзы иабжьгаҩс дҟарҵоит.

2010 шықәса жәабранмза инаркны Аԥсны аҳәынҭқарратә шәарҭадаратә маҵзура напхгара аиҭон, инапынҵақәа аанижьит 2014 шықәсазы.

Аслан Бжьаниа еиуеиԥшым аамҭақәа рзы напхгара аиҭон асоциал-економикатә усҭҵаара Афонд "Аԥра", аоппозициатә мчқәа Рыблок ацхантәаҩыс дыҟан, Жәлар Реизара депутатс далхын.

Аслан Бжьаниа Атәыла ахада инапынҵақәа рынагӡара далагеит мшаԥы 23 2020 шықәсазы. Дҭаацәароуп, ҩыџьа ахшаара драбуп.

1 / 14

Мшаԥы 6 рзы иирамш азгәеиҭоит Аслан Бжьаниа. Иара ихыҵит 60 шықәса.

2 / 14

Ҳаԥхьаҟа жәларык ирԥызахаран иҟаз диит Тамшь ақыҭан арҵаҩцәа рҭаацәараҟны.

3 / 14

1985 шықәсазы Москватәи автомашьына-амҩатә институт далган аусура далагоит Смоленск аобласт Угрансктәи абнааглыхратә усбарҭаҟны.

4 / 14

1991 шықәсазы Аслан Бжьаниа далгоит СССР КГБ иреиҳаӡоу акурсқәа, 1991-1992 шықәсқәа рзы аус иуан Аԥсны КГБ аҟны.

5 / 14

Аԥсны Аџьынџьтәылатә еибашьра ашықәсқәа рзы, Аслан Бжьаниа Гәдоуҭа ашәарҭадаратә маҵзура аҟны аус иуан.

6 / 14

Аслан Бжьаниеи уи иԥшәмаԥҳәыс Аелита Ахьиԥҳаи.

7 / 14

2014 шықәсазы Аслан Бжьаниа Аҳәынҭқарра ахадарахьы икандидатура ықәгылан, иара иоуит 35% абжьқәа.

8 / 14

Атәыла ахада инапынҵақәа рынагӡара далагеит мшаԥы 23 2020 шықәсазы.

9 / 14

Аслан Бжьаниа еиуеиԥшым аамҭақәа рзы напхгара аиҭон асоциал-економикатә усҭҵаара Афонд "Аԥра", аоппозициатә мчқәа Рыблок ацхантәаҩыс дыҟан, Жәлар Реизара депутатс далхын.

10 / 14

Аслан Бжьаниеи Аԥсны аԥыза-министр Александр Анқәаби.

11 / 14

Аԥсны ахада ихҵоуп "аинрал-маиор" ҳәа ахьӡ, иара убас ианашьоуп урыстәылатәи Аиҩызара аорден.

12 / 14

Атәыла ахада иубилеи инадҳәаланы иколлегацәа рҟынтәи адныҳәаларатә шәҟәқәа изаауеит. Иирамш идиныҳәалеит Урыстәыла ахада Владимир Путин.

13 / 14

Иара Бжаниа изеиӷьеишьеит агәабзиара ӷәӷәа, ақәҿиарақәа, аҳәынҭқарратә ус аҟны аихьӡарақәа.

14 / 14

Аинформациатә маҵзура Sputnik Аслан Гьаргь-иԥа идныҳәалоит, Ҳаԥсадгьыли ҳажәлари рԥеиԥш азы инапынҵақәа рынагӡараҿы ачҳареи аӷәӷәареи изеиӷьанашьоит.