Ашәаҳәареи акәашареи: Аахыҵ Уаԥстәыла Аԥсны акультура амшқәа шымҩаԥысыз атәы

Аусмҩаԥгатә алахәхаразы аешьаратә республикахь ицеит Аԥсуа ҳәынҭқарратә аҿар ртеатр актиорцәеи Аҳәынҭқарратә ансамбль акәашаҩцәеи злахәу аделегациа. Аделегациа напхгара аиҭоит Аԥсны Акультура аминистр Даур Ақаҩба.

Аԥснытәи аделегациа идикылеит Аахыҵ Уаԥстәыла ахада Алан Гаглоев.

Аахыҵ Уаԥстәыла ахада иусԥҟа инақәыршәаны "Аахыҵ Уаԥстәыла Зҽаԥсазтәыз артист" ҳәа ахьӡ ҳаракқәа рыхҵоуп: Аԥсуа ҳәынҭқарратә аҿар ртеатр актиорцәа – Аслан Еныкь, Фрида Леиԥҳа, Аԥснытәи ахәынҭқарратә ашәаҳәаратә акәашаратә ансамбль артистцәа – Илона Зыхәԥҳа, Илларион Герхелиа, аԥсуа естрада ашәаҳәаҩцәа - Хьыбла Мықәԥҳа, Артур Лакрба.

Иара убас, Алан Гаглоев Аԥсны акультура аминистр Даур Ақаҩба ианеишьеит Аҳаҭыртә орден.

1 / 12

Аахыҵ Уаԥстәыла Аԥсны акультура амшқәа мҩаԥысит.

2 / 12

Ҩымш ирылагӡаны ахәаԥшцәа идырбан атеатри, акәашареи, ашәаҳәареи рыла Аԥсны акультура аҟазара.

3 / 12

Аԥснытәи ахәынҭқарратә ашәаҳәаратә акәашаратә ансамбльи аԥсуа естрадатә шәаҳәаҩцәеи рҟазара ддырбеит.

4 / 12

Асцена иқәыҩуан игәышьҭыхгоу аԥсуа жәлар рашәақәа.

5 / 12

Артистцәа рықәгыларақәа ханартәаауан ҳмилаҭтә шәҵатәы.

6 / 12

Ацыԥхьқәа зҿыддо аԥсуа кәашарагь дырбан.

7 / 12

Аԥсуа естрада шәаҳәаҩцәа ирылшеит, ахәаԥшцәа ргәалаҟазаара ашьҭыхра.

8 / 12

Артистцәа асценахь инаргеит Аԥсни, Урыстәылеи, Аахыҵ Уаԥстәылеи рҳәынҭқарратә бираҟқәа, арҭ ажәларқәа ирыбжьоу аҩызара аҳаҭыр азы.

9 / 12

Ауаԥсаа ҳартистцәа рықәгыларақәа шыргәаԥхаз убарҭан ирзыҟарҵоз адгыларала.

10 / 12

Аахыҵ Уаԥстәыла ахада Алан Гаглоев аԥсуа ртистцәа "Аахыҵ Уаԥстәыла Зҽаԥсазтәыз артист" ҳәа ахьӡ ҳаракқәа рхиҵеит.

11 / 12

Аԥсны акультура аминистр Даур Ақаҩба ианаршьеит Аҳаҭыртә орден.

12 / 12

Аԥснытәи ахәынҭқарратә ашәаҳәаратә акәашаратә ансамбльи аԥсуа естрада шәаҳәаҩцәеи рқәгыларақәа имеихсыӷьуаз анапеинҟьарақәа рыцын.