Елыртәи аныхабаа: Очамчыра иҟоу Иԥшьоу Гьаргь Аиааирагаҩ иуахәама

Иара дыргылеит XI ашәышықәсазы абжьныхақәа руак Елыр-ныха азааигәара. Уи ахьӡ аԥсуа ажәа "аилыргара" аҟынтәи иаауеит, аус ахьеилдыргоз, азҵаарақәа ахьырӡбоз аҭыԥ акәны иахьыҟаз азы.

1733 шықәса рзы Елыр аҭырқәцәа аԥхасҭа арҭеит. Аха аныхачаԥақәеи, аџьарқәеи, егьырҭ акрызҵазкуа амаҭәахәқәеи реиқәырхара рылшеит.

Елыртәи ауахәамаҿы ишьҭан ажәытә ныхачаԥақәа, уи ахылаԥшҩыс иамази ҭауади-аамысҭеи ирызнаргоз аҳамҭақәа. XIX ашәышықәса аҩбатәи азбжазынӡа апапцәа руадаҿы ишьҭан ажәытәра иаҿахәҳәагаз амаҭәарқәа, еицырдыруа бедиатәи ахьтәы храҿа убрахь иналаҵаны. Ара иҟан Х ашәышықәса иаҵанакуа елыртәи араӡынтәы храҿагьы, аха уи анаҩсан иӡит.

Иахьа ауахәамаҿы еиқәханы иҟоуп Иԥшьоу Гьаргь Аиааирагаҩ иԥсыбаҩ аҟәырҷахақәа, иара убас амирои ашьеи згәылжжуа аныхачаԥақәа.

1 / 14

Елыртәи ауахәама дыргылеит XI ашәышықәсазы абжьныхақәа руак Елыр-ныха азааигәара.

2 / 14

Иара Иԥшьоу Гьаргь Аиааирагаҩ изкуп.

3 / 14

Ари ауахәама дуум, архитектурагьы ԥагьам, аха анцәахаҵаҩцәа аӡәырҩы аднаԥхьалоит.

4 / 14

1638 шықәса рзы ажәытә уахәама аҭырқәцәа аԥхасҭа арҭеит.

5 / 14

Аха хара имгакәа уи еиҭашьақәдыргылеит, уи уаанӡатәи архитектурала иеиԥшым.

6 / 14

Елыртәи ауахәамаҿы ишьҭан ажәытә ныхачаԥақәа, уи ахылаԥшҩыс иамази ҭауади-аамысҭеи ирызнаргоз аҳамҭақәа.

7 / 14

XIX ашәышықәса аҩбатәи азбжазынӡа апапцәа руадаҿы ишьҭан ажәытәра иаҿахәҳәагаз амаҭәарқәа.

8 / 14

Убри ахыԥхьаӡараҿы иҟан еицырдыруа бедиатәи ахьтәы храҿагьы.

9 / 14

Ара иҟан Х ашәышықәса иаҵанакуа елыртәи араӡынтәы храҿагьы, аха уи анаҩсан иӡит.

10 / 14

Иахьа ауахәамаҿы еиқәханы иҟоуп Иԥшьоу Гьаргь Аиааирагаҩ иԥсыбаҩ аҟәырҷахақәа, иара убас амирои ашьеи згәылжжуа аныхачаԥақәа.

11 / 14

Иахьанӡа еимданы иааргахьеит Елыртәи ауахәама иадҳәалоу алегендақәеи жәлар рҳәамҭақәеи.

12 / 14

Иԥшьоу Гьаргь иуахәама Аԥсны адагьы, уи анҭыҵ еицырдыруеит.

13 / 14

Аҳәаанырцәынтәи иаауаз анцәахаҵаҩцәеи аҭыԥԥшьаныҟәаҩцәеи агәра ргон Елыртәи ауахәамаҿы ргәы ак ҭаркыр, уи хымԥад инаӡоит ҳәа.

14 / 14

Иахьатәи аамҭазы Елыртәи ауахәамаҿы есҽны анцәаимҵаныҳәарақәа мҩаԥысуеит, арахь иаауеит еиуеиԥшым атәылақәа рҟынтәи анцәахаҵаҩцәеи аҭыԥԥшьаныҟәаҩцәеи.