Аԥсышәала ицәажәо аурыс лаф: аспектакль "Атәымуаҩ дызлахәу аҭаацәаратә портрет"

Аспектакль аҟны иаарԥшуп ақыҭа аклуб анхамҩа ахылаԥшҩы бзиа иибо аҭыԥҳа лҭаацәа рыҩнаҿы ауада амхны иҩнеиҵаз асахьаҭыхыҩ уи аҭыԥҳа дшигәаԥхаз анеиликаа ашьҭахь иҟалаз ахҭысқәа. Асиужет цәгьа еиларсуп, лафла еибаркуп.

1 / 11

Аԥсуа драматә театр аҟны имҩаԥысит аспектакль ҿыц "Атәымуаҩ дызлахәу аҭаацәаратә портрет" аԥхьарбара.

2 / 11

Уи шьаҭас иамоуп ҳаамҭазтәи адраматург Степан Лобозиоров ипиеса.

3 / 11

Арежиссиор-ақәыргылаҩ - Алхас Шамба.

4 / 11

Асценаҟны иааԥшуеит хҩык рыбжьара иҟалаз аизыҟазаашьақәа - анхамҩа аиҳабы, уи бзиа иибо аҭыԥҳа, асахьаҭыхыҩ.

5 / 11

Ароль хадақәа руак наигӡоит актори Гәдиса Ҭодуа. Иара асахьаҭыхыҩ қәыԥш Виктор иоуп.

6 / 11

Есма Кәыҵниаԥҳа Таниа лроль налыгӡоит.

7 / 11

Аспектакль аҿы ихәмаруан аиҳабыратә абиԥара иаҵанакуа актиорцәагьы. Иаҳҳәозар, анду лроль налыгӡоеит Аԥсны Зҽаԥсазтәыз артистка Маииа Џьыкырԥҳа.

8 / 11

Аспектакль асиужет цәгьа еиларсуп, лафла еибаркуп.

9 / 11

Уи гәыцәс иамоуп иаҳбац ауадаҩрақәеи аилибамкаарақәеи змоу иаҳбац аҭаацәа.

10 / 11

Актиор Гәдиса Ҭодуа иинтервиуқәа руак аҿы ишиҳәахьаз еиԥш, "Атәымуаҩ дызлахәу аҭаацәаратә портрет" - аурыс лаф зныԥшуа, аха аԥсуа ицәаҩа ианрааланы иқәыргылоу спектакльуп.

11 / 11

Уи аԥхьарбара мҩаԥысит мшаԥы 27, 28 рзы.