Иблахкыгоу ақәгыларақәа: “Apsny Star” аҩбатәи асезон афиналтә концерт шымҩаԥысыз

Аҩбатәи асезон аан ԥшь-концертк мҩаԥысит, рашәарамза инаркны цәыббрамзанӡа мызк ахь знык аконцертқәа мҩаԥысуан.

Асуперсезон ахь Фаиа Мархолиаԥҳа лкомандаҟынтәи инеит Сариа Аиԥҳаи Кристина Кәыбрааԥҳаи, Ильда Қәычбериаԥҳа лкомандаҟынтәи – Гәында Абыхәԥҳаи Рената Хаџьиевеи, Руслан Шьакаиеи Софиа Реинберги ркомандаҟынтәи – Нила Наҷҟьебиаԥҳаи Диана Карбашьиани.

Ажиури иалан амузыкатә продиусер Анри Гәымба, Аԥсны Жәлар рартистка Нинель Бжьаниаԥҳа, Аҳәынҭфилармониа ахкынагӡаҩ Алхас Ферзба. Анри Гәымба ишиӡбаз ала, Фаиа Мархолиаԥҳа лкомандаҟынтәи асуперсезон ахь днеит Елизавета Аммаевагьы.

Ахԥатәи асуперсозон ҟалоит Аҳәынҭфилармониаҿы жьҭаарамза инаркны ԥхынҷкәынмзанӡа. Афиналтә сезон аан аиааира иазықәԥалоит актәи асезонқәа ҩба раан иаиааиз алахәылацәа.

Апроект Аpsny-Star еиҿкаауп Аԥсны акультура аминистрра адгыларала, апроект аспонсор хада - амобилтә еимадара "Аҟәафон". Sputnik Аԥсны – апроект информациатә партниорс иазыҟоуп. Ашоу априз хада - Гнесинаа рыхьӡ зху Амузыка академиаҟны хәыда-ԥсада аҵараҵара.

1 / 12

"Apsny Star" аҩбатәи асезон аҵыхәтәантәи аконцерт мҩаԥысит Аҟәа.

2 / 12

Аҩбатәи асезон аан ԥшь-концертк ыҟан.

3 / 12

Урҭ мызк ахь знык имҩаԥысуан.

4 / 12

Апроект алахәылацәа командала еихшан - Ильда Қәычбериаԥҳаи, Фаиа Мархолиаԥҳаи, Адрамтеатр актиор Руслан Шьакаиеи уи иԥшәма, Аҳәынҭкапелла адирижиор Софиа Реинберги ртәқәа рыла.

5 / 12

Амузыкантцәа ҿарацәа инаркгӡон еиуеиԥшым ажанрқәа рыла ашәақәа.

6 / 12

Еиҳарак инарыгӡоз еицырдыруа аҳәаанырцәтә ашәақәа ракәын. Аха аԥсуа ашәақәагьы зҳәоз ыҟан.

7 / 12

Ашәаҳәара ианцәырҵуаз, алашарбагақәагьы ԥштәы рацәала еиларыԥсон.

8 / 12

Иқәгылоз ашәаҳәара адагьы...

9 / 12

... ахәаԥшцәа рцәаныррақәа рыла ихырхуан.

10 / 12

Рышәҵатәқәагьы ҷыдала иалырхит.

11 / 12

Ажиуригьы рҽазҵәылхны ахәшьарақәа рырҭон - амузыкатә продиусер Анри Гәымба, Аԥсны Жәлар рартистка Нинель Бжьаниаԥҳа, Аҳәынҭфилармониа ахкынагӡаҩ Алхас Ферзба.

12 / 12

Афиналтә сезон аан аиааира иазықәԥалоит актәи асезонқәа ҩба раан иаиааиз алахәылацәа. Урҭ ашоу априз хада - Гнесинаа рыхьӡ зху Амузыка академиаҟны хәыда-ԥсада аҵараҵара - иазықәԥоит.