Акомандақәа "Динамои" "Афони" рыбжьара афиналтә хәмарра

2023 шықәсазтәи Аԥсны Ахраҿа афинал мҩаԥысит абҵарамза 24 рзы аҟәатәи астадион "Динамо" аҿы.

Аҟәатәи акоманда афинал аҿы "Афон" акоманда иаиааит 5:3 ҳәа. Аамҭа хадазы акомандақәа 3:3 ҳәа еиҭахеит, убри азы аӡбаҩ даҽаҩ-таим кьаҿк 15-15 минуҭ рзациҵеит.

Актәи иацҵаз атаим азы аҳҭнықалақьаа 4:3 ҳәа аԥыжәара агара иалагеит. "Динамо" аҩбатәи атаим азгьы ампыл ҭадыршәит, 5:3 ҳәагьы аиааира ргеит. Афинал иреиӷьыз ахәмарыҩ ҳәа ихьӡ рҳәеит "Динамо" ахәмарыҩ Гарри Лагәлаа.

"Афон" акомандаҟынтәи ампыл ҭаиршәит Леван Логәуа, иара 35-тәи аминуҭ азы пенальти ҭаиршәит, иара убас Маканда Џьорџьес Нџьее️ 68-тәи аминуҭ азы ахәмарра шцоз.

"Динамо" аҟынтәи Гарри Лагәлаа ҩ-мпылк ҭаиршәит - 23-тәи аминуҭ ахәмарраан, 55-тәи аминуҭ аан - апенальти ҭаиршәит. ихадоу аамҭа анҵәамҭазы Аслан Багаҭелиа 3:3 ҳәа еиҭахартә ампыл ҭаиршәит, уи ибзоураны атаимцҵақәа ҟалеит. Леван Ачба в атаимцҵаан мпылк ҭаиршәит, анаҩс аҵыхәтәантәи ампыл ҭаиршәит Аинар Џьопуа, убас ала "Динамо" аиааира игеит.

1 / 16

2023 шықәсазтәи Аԥсны Ахраҿа афинал мҩаԥысит абҵарамза 24 рзы аҟәатәи астадион "Динамо" аҿы.

2 / 16

"Афони" "Динамои" даара рҽазҵәылхны ихәмаруан, ахәаԥшцәагьы даара аинтерес рзаҵан.

3 / 16

"Ахәылԥҵысқәа" ҳәа ззырҳәо афонҿыцтәи ахәмарцәа ҩынтә аҟәаа ирыхьӡон.

4 / 16

Анҵәамҭа маҷк шагыз афонҿыцаа ԥхьаҟа ицеит.

5 / 16

Аха иацҵаз аамҭазы "Динамо" ирылшеит "раӷацәа" рыхьӡара.

6 / 16

Ахәаԥшцәа досу ркомандақәа ирыдгыланы ҿырҭуан.

7 / 16

"Динамо" амбахьчаҩ ианаамҭаз имба дҭыҵны ампыл акра дахьӡеит.

8 / 16

"Афон" ахәмарыҩ иҽкажьны "Динамо" ахәмарыҩ ампыл имихырц даҿуп.

9 / 16

Ҽаӡәы хыла ампыл дасуеит.

10 / 16

Актәи атаим аан акомандақәа 1:1 ҳәа еиҭан.

11 / 16

Аҩбатәи атаим аан ҩынтә еиҳаны ампылқәа ҭадыршәит.

12 / 16

Аамҭа хада "Афони" "Динамои" 3:3 ҳәа ихдыркәшеит.

13 / 16

Убри азы атаимцҵақәа мҩаԥыргар акәхеит.

14 / 16

"Динамо" ахәмарыҩцәа ампыл ахьҭадыршәыз иеигәырӷьоит.

15 / 16

Ашьапылампыл бзиа избо ахәыҷқәагьы ргәы ҭыӷьӷьаа бзиа ирбо ахәмарыҩцәа ргәы ҭарҵон.

16 / 16

Ашьапылампыл азы 2023 шықәсазтәи Аԥсны Ахраҿа динамоаа рнапы иакуп.