Шықәсык знык еиқәшәоит аижәлантәқәа, аибабара, аилабжьара, аицхыраара иазкуп ҳәа азгәеиҭеит аиҿцәажәараҿы Қапба.
"Ҳажәла Қапаа 60 шықәса инарзынаԥшуа еиқәшәоит. Ҳаиқәшәоит Аԥсны анҭыҵ инхо Капааи ҳҽеилархәны. 1970 шықәса рзы Аҩада Џьархәа инхоз саб иҭаххеит Қапаа ахьынӡанаӡааӡо иҩны еидикыланы еибаирбарц. Усҟан аиқәшәара зхы иадызҵаз ихарџьала ҳаидикылон. Аиқәшәараан аҭаацәара иаламлакәа иахыԥахьаз ирылабжьон аҭаацәара далаларц. Даара агьама аманы имҩаԥысуан усҟан ҳаибабара", - ҳәа игәалаиршәоит Рауль Қапба ицахьоу аамҭа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.