Жәлар рҟазара еиқәзырхо: ансамбль "Гәында" аиубилеитә концерт

Ансамбль "Гәында" аирамш Аԥснытәи Аҳәынҭфилармониа асценаҿы иазгәарҭеит.

Ансамбль "Гәында" жәлар рмузыкатә арҳәагақәа рҿы ихәмарны инанагӡеит еицырдыруа ашәақәа реиԥш, ааигәа иаԥҵаз автортә композициақәагьы.

Урҭ рнаҩс, ахәаԥшцәа раԥхьа иқәгылеит Аҳәынҭқарратә акультуратә ҵараиурҭа астудентцәагьы, урҭ инарыгӡеит "аԥсуа кәашара". Иара убас ансамбль "Гәында" асахьаркыратә напхгаҩы Роза Чамагәуаԥҳа лҵаҩцәа ашәақәа рҳәеит, жәлар рмузыкатә арҳәагақәа адырҳәеит.

1 / 14

Авокал-инструменталтә ансамбль "Гәында" 45 шықәса ахыҵра аҳаҭыр азы Аԥснытәи Аҳәынҭқарратә филармониаҿы иқәгылеит.

2 / 14

Бзиа еицырбо аколлектив ирзыӡырҩырц азы аконцерт ахь инеит ауаа рацәаны.

3 / 14

Ансамбль "Гәында" жәлар рмузыкатә арҳәагақәа рҿы ихәмарны инанагӡеит еицырдыруа ашәақәа реиԥш, ааигәа иаԥҵаз автортә композициақәагьы.

4 / 14

Ашәақәа рҳәон аԥсышәала, урысшәала, Нхыҵ Кавказ ажәларқәа рбызшәақәа рыла.

5 / 14

"Гәында" лассы-лассы аԥсуа культура аҳәаанырцә иӡырнагоит.

6 / 14

Уи изныкымкәа Урыстәыла, Болгариа, Ҭырқәтәыла гастрольла ирҭаахьеит.

7 / 14

Адунеизегьтәи афестиваль "World Folk" аҿы ахьтәы медал, "Ахьтәы Орфеи" аԥхьахә иаиааихьеит, асахьаркыратә напхгаҩы ахьӡ "Маэстро" даԥсахахьеит.

8 / 14

Аиубилеитә концерт иаҭааит аколлектив уаанӡа иалахәыз аҭыԥҳацәагьы, раԥхьаӡа ианаԥҵаз иалақәазгьы.

9 / 14

Аҭыԥҳацәа еиуеиԥшым амузыкатә арҳәагақәа адырҳәои, иаҳҳәап, аҿарпын, аԥхьарца, адаул, аҩымаа уҳәа егьырҭгьы.

10 / 14

Аҭыԥҳацәа мацара рыла ишьақәгылоу ансамбль ирыцнаҵоит уи анаԥҵаз иазышьҭарҵаз атрадициақәа.

11 / 14

Уи ахьӡ Нарҭаа репос аҟынтәи иаагоуп. Гәында - шәҩеишьцәа раҳәшьазаҵә лакәын.

12 / 14

Ахәаԥшцәа раԥхьа иқәгылеит Аҳәынҭқарратә акультуратә ҵараиурҭа астудентцәагьы, урҭ инарыгӡеит "аԥсуа кәашара".

13 / 14

Ансамбль асазьаркыратә напхгаҩы, уи ашьаҭаркҩы, Аԥсны Жәлар рартистка, "Ахьӡ-Аԥша" аорден III аҩаӡара занашьоу - Роза Чамагәуаԥҳа

14 / 14

Аиубилеитә концерт ахәаԥшцәа рнапеинҟьабжь еихсыӷьра ақәмызт.