Ахақәиҭра иазықәԥоз: Нестор Лакоба иԥсҭазаареи иҭахареи

Нестор Лакоба диит лаҵарамза 1, 1893 шықәсазы, Гәдоуҭа араион Лыхны ақыҭан анхаҩы иҭаацәараҟны.

Лыхнытәи ақыҭатә школ аҟны иҵарадырра хацыркын, анаҩс ауахәаматә школ аҟны. 1905 шықәсазы, 12 шықәса зхыҵуаз Нестор Лакоба дҭалоит Тифлистәи адоуҳатә ҵараиурҭа. Анцәахаҵара иадҳәалаз азҵаарақәа дрыцәтәымын, иара изааигәан ареволиуциа иадҳәалаз зегьы.

Усҟантәи аамҭазы Нестор Лакоба дзықәгәыӷуаз иҩызцәеи иареи ауаажәларра рсоциалтә ҭагылазаашьа аԥсахра иазкыз азҵаарақәа ирылацәажәон, аҿар рыҩнуҵҟа ареволиуциатә ҟазшьа змаз ажәабжь аладырҵәон, анҵамҭақәа, ашәҟәқәа рнапаҿы ироуртә еиԥш аҭагылазаашьа аԥырҵон.

Қырҭтәыла аменшевикцәа Аԥсны анрымпыҵархала Нестор Лакоба аԥсуа жәлар рмилаҭ-хақәиҭратә қәԥара ахаҿы дгылеит. 1917 шықәсазы иаԥиҵеит "Кьараз". 1918 шықәсазы еиҿикааит ақырҭуа меншевикцәа имҩаԥыргоз аполитика аҿагыларазы ақәгылара.

Жәабран 17, 1922 рзы Лакоба далырхуеит Аԥсны Жәлар Ркомиссарцәа Рхеилак ахантәаҩыс. Иара убри аамҭазы ареспублика Аекономикатә хеилак дахылаԥшуан. 1930 шықәса рзы Аԥсны жәлар ркомиссарцәа рсовет аԥыхын. Анаҩс, Аԥсны Қырҭтәыла аилазаараҟны Автономтә республиканы иҟалеит. Лакоба Аԥснытәи АССР Анагӡаратә комитет хада ахантәаҩыс далххеит.

Нестор Лакоба ианашьан Аеҵәа Ҟаԥшь аорден Асовет мчра аҿаԥхьа илшамҭақәа рзы.

Аҵарауаа ргәаанагарала, Лавренти Бериа Нестор Лакоба иҩныҟа днаԥхьаны ашҳам иҭан дишьуеит.

1 / 18

Аԥсуа жәлар рҵеи лаша, ауаажәларра-политикатә усзуҩ, ареволиуиционер, зыжәлар рхақәиҭра иазықәԥоз Нестор Лакоба дҭадырхеижьҭеи 86 шықәса ҵит.

2 / 18

Иара диит лаҵарамза 1, 1893 шықәсазы Гәдоуҭа араион Лыхны ақыҭан.

3 / 18

Лакоба илымҳа иаҳаӡомызт аҟнытәи Адагәа ҳәа ишьҭан.

4 / 18

Нестор Лакоба иқәра шмаҷыз аԥсуа жәлар рсоциалтә ҭагылазаашьа аԥсахра дашьҭалеит.

5 / 18

1911 шықәсазы имҩаԥигоз ареволиуциатә пропоганда иахарҟьаны Тифлистәи адоуҳатә ҵараиурҭа дҭырцоит.

6 / 18

Лакоба СССР еицырдыруаз аполитикцәа рыгәҭа дыҟан. Асахьаҟны: 1935 шықәса, апартиатә конференциаҟны Нестор Лакоба, Лавренти Бериа, Агаси Ханджиан

7 / 18

Сергеи Орџьоникиӡе, Семион Будионныи, Георги Пиатаков, Нестор Лакоба.

8 / 18

Нестор Лакоба америкатәи амашьынақәагьы рныҟәцара илшон...

9 / 18

... аҳаирплан аԥсҟы акрагьы дацәшәаӡомызт.

10 / 18

Афото аҟны: Сариа Лакобеи Нестор Лакоба имашьынарныҟәцаҩи.

11 / 18

Нестор Лакобеи иԥшәмаԥҳәыс Сариа Џьых-оглыи.

12 / 18

Сариа 15 шықәса шылхыҵуаз лҭаацәа ирыцәӡаны Нестор диццеит.

13 / 18

Нестор даныршь ашьҭахь Сариа лыԥсҭазаара гәымбылџьбарахеит, дахьҭакыз абахҭаҟны дышдыргәаҟуаз лыԥсҭазаара далҵит 1939 шықәсазы.

14 / 18

Нестори Сариеи рԥа Рауфи Сариеи.

15 / 18

Рауф 14 шықәса анихыҵуаз дҭаркит, ашьрагьы иқәырҵеит.

16 / 18

Аҵарауаа ргәаанагарала, Лавренти Бериа Нестор Лакоба иҩныҟа днаԥхьаны ашҳам иҭан дишьуеит.

17 / 18

Аофицалла ирыларҳәеит аполитик иԥсра агәыхь акәын ҳәа. Афото аҟны: Бериа Нестор Лакоба иҭоубыҭ даҵагылоуп.

18 / 18

Нестор Лакоба иԥсра ареспубликаҟны ихьаа дуны ирыдыркылеит. Аԥсуа жәлар рҵеи лаша Нестор Лакоба иахьагьы, ес-ииуа абиԥарақәа гәыблыла дыргәаладыршәоит.