Зеиӷьа злаҟам аҭагылазаашьақәа: урыстәылатәи ажәҩаҵшьҩцәа Шәқәырча рҽшазыҟарҵо

Азыҟаҵаҩ еиҳабы Константин Попов иажәақәа рыла, Аԥсны аҽазыҟаҵарақәа рзы даара иманшәалоуп.

"Ара аӡҭачы даара ибзиоуп. Ҳара џьара ҳаннеилак, зегь раԥхьа иҳаргыло ҳҽахьазыҟаҳҵо аҭыԥ ауп, нас – ҳанхарҭа, ҳакрыфарҭа уҳәа егьырҭгьы", - ҳәа иҳәеит иара.

Акоманда азыҟаҵарҭа хада ҳәа ишьоуп Краснодартәи атәылаҿацә, Тимошевск ақалақь. Уажәы уа акыр ихьҭоуп азы иӡбан Аԥсныҟа аара.

Шәқәырча акәзар, шамахамзар аԥша асӡом, аӡы ажәпарагьы аспортсменцәа разыҟаҵаразы ибзиоуп. Аҽазыҟаҵарақәа мышкы аҩнуҵҟа ԥшьынтә сааҭки бжаки имҩаԥыргоит. Аҽазыҟаҵарақәа рышьҭахь гәахәарыла амшын аԥшаҳәаҿы инеиааиуеит.

1 / 10

Аԥсны аҽазыҟаҵарақәа мҩаԥыргоит аӡырҳәыԥи аканоеи рыжәҩаҵшьраз Урыстәыла еизгоу аҿар ркоманда.

2 / 10

Аспортсменцәа аҽазыҟаҵарақәа мҩаԥыргоит Аӡҩыбжьа ақыҭан Шәқәырча аӡиа аҟны.

3 / 10

Аԥсны иааны иҟоуп ааҩык аӡырҳәыԥныҟәцаҩцәеи ҩыџьа азыҟаҵаҩцәеи.

4 / 10

Еизгоу акоманда рҿазыҟарҵоит Урыстәыла ахраҿа агареи ачемпионати, анаҩс БРИКС имҩаԥгахо ахәмаррақәа рыҽрылархәразы.

5 / 10

Азыҟаҵаҩцәеи аспортсменцәеи иазгәарҭоит, Аԥсны аҽазыҟаҵарақәа рзы ишыманшәалоу.

6 / 10

Мышкы аҩнуҵҟа аҽазыҟаҵарақәа ԥшьынтә сааҭки бжаки имҩаԥысуеит.

7 / 10

Аҽазыҟаҵарақәа рышьҭахь гәахәарыла амшын аԥшаҳәаҿы инеиааиуеит.

8 / 10

Урыстәыла еизгоу аҿар ркоманда ргәы иҭоуп Аԥсны аицлабрақәа рымҩаԥгара.

9 / 10

Шәқәырча шамахамзар аԥша асӡом, аӡы ажәпарагьы аспортсменцәа разыҟаҵаразы ибзиоуп.

10 / 10

Ареспубликахь аспортсменцәа дрыцны дааит еицырдыруа ажәҩаҵшьҩы, Урыстәыла ачемпионка Екатерина Шлиапникова.