Eytsikәashow: акәашаратә проект раԥхьатәи аконцерт

Аиндаҭлараҟны актәи аҭыԥ иазықәԥоит 14 гәыԥ, аҳамҭа хада 450 000 мааҭ ыҟоуп. Акомандақәа азыҟарҵоит аҳәынҭқарратә ансамбльқәа "Шьараҭыни" "Кавкази" рартисцәа Денис Инаԥшьбеи Аслан Багаԥшьи.

Денис Инаԥшьба икоманда иалалеит: Адамыр Аҩардани Диана Гәынԥҳаи, Ражден Гьергьедааи Асиа Арҩҭааԥҳаи, Инал Инаԥшьбеи Арина Лакәиаԥҳаи, Саҭбеи Адлеибеи Лана Ҷанԥҳаи, Амиран Ҟаитани Сабрина Ԥкьынԥҳаи, Паата Хубулааи Рада Ҭаниаԥҳаи, Саид Ҳагбеи Милена Тачлиаԥҳаи.

Аслан Багаԥшь икоманда иалоуп: Ҭемыри Марианнеи Ҭыҩаа, Алан Кацубеи Камилла Жанааԥҳаи, Алан Аухаҭи Лана Бжьаниаԥҳаи, Адис Агрбеи Себина Зекир-оӷли, Вадим Чамагәуеи Илона Козмааԥҳаи, Ҭемыр Аргәыни Есма Ақырҭааԥҳаи, Адгәыр Миқааи Илона Зыхәԥҳаи.

Eytsikәashow хәымз ирылагӡаны ф-концертк мҩаԥнагоит. Концертцԥхьаӡа еицыкәашо хԥа-хԥа кәашара нарыгӡоит – аԥсуа кәашара, Кавказ ажәларқәа рыкәашарак, ахԥатәи узқәымгәыӷуа ҳамҭоуп.

Sputnik Аԥсны — апроект аинформациатә дгылара анаҭоит.

1 / 12

Аҳәынҭқарратә филармониаҟны имҩаԥысит апроект ҿыц раԥхьатәи аконцерт.

2 / 12

Eytsikәashow - ари акәашаратә еицлаброуп.

3 / 12

Аҳамҭа хада иазықәԥоит ҩ-командак.

4 / 12

Аицлабра ахьӡ аагоуп аицыкәашара аҟынтә.

5 / 12

Аҩ-командак рҟынтәи 14 гәыԥ ыҟоуп.

6 / 12

Аицлабраҿ еицыкәашоит арԥызбеи аԥҳәызбеи.

7 / 12

Акәашацәа напеинҟьарыла адгылара рырҭон ахәаԥшцәа.

8 / 12

Аицлабра ахықәкы - аҿар амилаҭкәашарақәа агәыбылра дыркра.

9 / 12

Eytsikәashow хәымз ицоит.

10 / 12

Зынӡа имҩаԥгахоит ф-концертк.

11 / 12

Апроект аҳамҭа хада — 450 000 мааҭ.

12 / 12

Акәашацәа зегьы аиааира иазықәԥоит.