Хыхьынтәи ақәаршҩы: Аԥсны Ахьыԥшымра азхаҵара амш азы Басҭа иконцерт

Ари аконцерт ихҭыс духеит аҳҭнықалақь ауааԥсыреи асасцәеи рзы. Ԥшьнызқьҩык рҭыԥ змоу "Динамо" унацәа узрыламҵо иҭәын. Иааҟәымҵӡакәан ақәаршҩы шлеиуазгьы иамкыз астадион адәаҿы игылан. Ас еиԥш ауаа рацәа реизара зыхҟьазгьы, еицырдыруа урыстәылатәи анагӡаҩ Баста иқәгылара ауп.

Акыр аамҭа иззыԥшыз аконцерт алагаанӡа, Аԥсны жәлар аныҳәа рыдырныҳәалеит атәыла ахада Аслан Бжьаниа, Аахыҵ Уаԥстәыла адәныҟатәи аусқәа рминистр Ахсар Џьоев, Аԥсны иҟоу Урыстәыла ацҳаражәҳәаҩ Михаил Шургалин.

Аконцерт алагеит аԥсуа естрадатә шәаҳәаҩцәа рыла, анаҩс асценахь дцәырҵит Баста.

Арепер Аԥсны иқәынхо Ахьыԥшымра азхаҵара амш рыдныҳәало ирзеиӷьеишьеит аҭынчреи аизҳазыӷьреи.

1 / 8

Аконцерт алагаанӡа Аԥсны ахада Аслан Бжьаниа адныҳәалара ҟаиҵеит.

2 / 8

Зқьҩыла ауаа рыԥсы ӡаны, ареппер Баста асценахь ицәырҵра иазыԥшны.

3 / 8

Аԥсуа естрада шәаҳәаҩцәа рышьҭахь асценахь дцәырҵит урыстәылатәи анагӡаҩ.

4 / 8

Ахәаԥшцәа рҭелқәа алашарақәа аркны ашәаҳәаҩ иԥылеит.

5 / 8

Аконцерт мҩаԥысуан ақәаршҩи адыд мацәыси шыҟазгьы.

6 / 8

Ақәаршҩы шлеиуазгьы, астадион "Динамо" атрибунақәеи адәи ахәаԥшцәа рыла иҭәын.

7 / 8

Аҳҭнықалақь аҟны аамҭакьаҿк азы алашара шдырцәазгьы, аныҳәа иаԥырхагамхеит.

8 / 8

Ари аныҳәа акыраамҭа атәыла ауааԥсыра ргәаҵҿ иҟазаауеит.