Раԥхьаӡа акәны Аԥсны: "Балтиатәи аҩны" РУСДРАМ ишықәгылаз

Аԥсни Урыстәылеи рыбжьара арҿиаратәии, акультуратәии, ауаҩытәыҩсатәии еимадарақәа атәылақәа рыҩба реизыҟазаашьақәа ирышьагәыҭуп ҳәа "Балтиатәи аҩны" агастрольқәа ирхиҳәааит РУСДРАМ адиректор хад Иракли Хынҭәба.

"Аспектакльқәа зегьы рыҩаӡара ҳаракын, зегьы аншлагқәа рыла имҩаԥысит. Азалқәа ҭәын, ахәаԥшцәа ирбоз агәахәара ду рнаҭон. Сгәанала, агастрольқәа баша имҩаԥыргом, урҭ асахьаркыратә еффект рымоуп", — иҳәеит иара.

"Балтиатәи аҩны" атруппа рзы Аԥсны имҩаԥган аныҟәарақәа. Хынҭәба иҳәеит РУСДРАМ "Балтиатәи аҩны" асценаҿы хара имгакәа иқәгылараны ишыҟоу. Иара убасгьы иазгәеиҭеит атеатр афестиваль Санкт-Петербург есышықәса мшаԥымзазы имҩаԥысуа "Урыстәыла аиԥыларақәа" ирылахәхар шауа.

1 / 12

Санкт-Петербургтәи атеатр-афестиваль "Балтиатәи аҩны" раԥхьаӡа акәны Аԥсныҟа агастрольқәа аманы иааит.

2 / 12

Хымш ирылагӡаны урыстәылатәи артистцәа РУСДРАМ аҿы ԥшь-спектакльк днарбеит.

3 / 12

Актәи аспектакль "Попрыгунья" ахьӡын, Антон Чехов иҩымҭа ала.

4 / 12

Аспектакль ықәлыргылеит арежиссиор Александра Мамкаева, уи иахәаԥшырц атәылауааи асасцәеи аӡәырҩы ааит.

5 / 12

Ароль хада налыгӡеит Анна Шьетинина.

6 / 12

"Балтиатәи аҩны" адырҩаҽны аспектакль "Таниа" днарбеит, Алексеи Арбузов ипиеса иалхны.

7 / 12

Ари аспектакль атеатралтә премиа "Золотой софит" аиуразы иқәгылоуп.

8 / 12

Ақәыргыламҭаҿы еиҭаҳәоуп зхаҵа илҵуа, анаҩс зхыҷы дызцәыԥсуа аԥҳәыс рыцҳа лыԥсҭазаара уадаҩ атәы. Егьа ус иҟазаргьы, лара лхы лнапаҿы аагара лҽазылшәоит.

9 / 12

Агастрольқәа рхыркәшамҭаз "БАлтиатәи аҩны" иднарбеит аспектакль "Ахацәеи аҳәсеи злацәажәо".

10 / 12

Уи аҟны аҭаацәараҿы хаҵеи ԥҳәыси реилибакааразы иҟаҵатәу иалацәажәоит.

11 / 12

РУСДРАМ изныкымкәа аспектакльқәа "Балтиатәи аҩны" асценаҿы иднарбахьан.

12 / 12

Урыстәылатәи атеатр Аԥсныҟа аара Росконцерти Урыстәыла акультура аминистрра апрограмма "Агастроль дуқәеи" рҳәаа иҭагӡоуп.