Аҧсны аҭагылазаашьа ҷыдақәа рминистрс дҟаҵоуп Лев Кәыҵниа. Асҭамур Логәуа Аҧсны атуризм министрс.Абри азы аусҧҟа инапы аҵаиҩит Атәыла ахада Бадра Гәынба.
Аҧсны ахада Бадра Гәынба анаҩстәи иусԥҟақәа инарықәыршәаны Аҳәынҭқарратә хеилакқәеи аусбарҭақәеи рнапхгаҩцәа аиҭеит.Дмитри Дбар Аҧсны Ашәарҭадаратә маҵзура ахантәаҩыс дҟаҵоуп.▪️Арепатриациазы Аҳәынҭеилакы ахантәаҩыс даҭоуп — Баграт Боџьгәуа.▪️Аимадареи, амассатә коммуникациақәеи, ацифратә ҿиареи рзы Аҳәынҭеилакы ахантәаҩыс дҟаҵоуп — Роланд Берулаа.▪️Аҳәынҭқарратә архив напхгара азиулоит Роман Ҕәынџьиа.Егьырҭ аусҧҟақәа рыла Ахада Иусбарҭа ахантәаҩы ихаҭыҧуаас иаҭоуп Дмитри Шамбеи Баҭал Аибеи.
Иахьа Аԥсны аминистрцәа Реилазаара аилатәараҿы аныҟәцаҩцәа рзы аԥышәарақәа рыҭиреи азинбӷьыцқәа рыҭареи рзы аԥҟарақәа аиҭакрақәа рыларгалеит.Аиҭакрақәа инарықәыршәаны, Аԥсны анхара ақәиҭтәратә бӷьыц шьаҭас иҟаҵаны иааиԥмырҟьаӡакәа Аԥсны инхо ауааԥсыреи, иара убас Аԥсны атәылауааи рзы амашьынаныҟәцаратә бӷьыцқәа рыԥсахра аԥышәарақәа рыҭирада имҩаԥыслоит.Ақәҵара анагӡара ахылаԥшра Ареспублика аҩныҵҟатәи аусқәа рминистрра иадуп.
Аҟәа, Москва Аҩны аҿы Владислав Арӡынба 80 шықәса ихыҵра иазку Сергеи Лидов ифотоҭыхымҭақәа рцәыргақәҵа аатит.Уаҟа иаарԥшуп аурыс фотоҭыхҩы шықәсырацәала иҭихуаз афотосахьақәа 19 – Владислав Арӡынба иҩны, иԥсшьараамҭазы, иусураҿы.Ацәыргақәҵа аартра агәырӷьареи алахьеиқәреи сызцәырнагоит, "избанзар, иара Аԥсны ахада ҳәа мацара акәымкәа сара дысҩызан, даараӡа иҟәышыз уаҩын, зеиԥш дыҟамыз иакәын"-иҳәеит Сергеи Лидов Иааидкыланы зынӡа Лидов раԥхьатәи ахада ифотосахьақәа 200 раҟара ҭихит. Аԥсны ажурналистцәа Реидгыла ахантәаҩы Руслан Ҳашыг иажәақәа рыла, Аԥсны иадҳәалоу иусумҭақәа зегьы акультура аминистрра иаҭахоит.Ацәыргақәҵа еиҿкаауп Аҟәа иҟоу Москва Аҩны ацхыраарала, уи аартызаауеит лаҵара 23 рҟынӡа.
"Интервидение-2025" аҽалархәразы ҳаргьы алшара ҳаур ҟалоит ҳәа агәаанагара имоуп акомпозитор, амузыкант Анри Гәымба.Асеиԥш зымҽхак ҭбаау "Евровидение" инаҩаӡо ианыҟала хәарҭара ду алоуп, алшара ҟалоит атәылақәа, артистцәа, акомпозиторцәа рашәақәа ӡырыргартә еиԥш иҳәеит арадио Sputnik аефир аҟны Гәымба.Иара иҳәеит аицлабраҟны афольклортә музыка еиҳа ирацәахоит ҳәа агәаанагара шимоу.Ашәаҳәаҩ Shaman амузыкатә еицлабра "Интервидение" аҟны Урыстәыла ахьӡала дықәгылоит. Жәабран 3 2025 шықәсазы Владимир Путин жәларбжьаратәи амузыкатә еицлабра "Интервидение-2025" Москва амҩаԥгаразы аусԥҟа инапы аҵаиҩхьан