.
Аԥсны Жәлар Реизара-Апарламент адепутатцәа актәи аԥхьараҿы абџьар аикәшаразы азакәан апроект аиҭакрақәа аларгалеит.Аԥсны Апарламент аҿы аҳәынҭқарра ахада ихаҭарнак Баҭал Аиба ишазгәеиҭаз ала, ари аусшәҟәы зызку згәыцәкьаҿу агәыцәрҳә змоу абџьар аныҟәгара азинҟамҵара ашьақәыргылара ауп."Азакәан апроект инақәыршәаны, азакәан амчра аиуаанӡа иҟаҵаз згәыцәкьаҿу агәыцәрҳә змоу абџьар аныҟәгаразы азинқәа ҵаҵӷәыдоуп аҵәахразы азинҟаҵара аганахь ала" — ҳәа азгәеиҭеит иара.
Аԥсны "Еиҭамҵуа амал акадастр азы" азакәан амчра аиуеит 2026 шықәса жәабран 1 инаркны.Жәлар Реизара-Апарламент адепутатцәа азакәан амчра аиуразы аҿҳәара ҿыц иахьа ирыдыркылеит.Аиҭакрақәа иара убасгьы иалагалан, амаҵзурауааи ашәҟәҭагалара аусзуҩцәеи рдыррақәа ралкаара.Апарламент адепутатцәа "Еиҭамҵуа амал акадастр азы" Аԥсны Аҳәынҭқарра Азакәан адкылара инамаданы хаз игоу азакәанԥҵаратә актқәа рҿы аиҭакрақәа ралагаларазы" азакәан апроект рыдыркылеит.Зыӡбахә ҳәоу еиҭамҵуа амал аилкаара ҳәаақәызҵо анормақәа реиӷьтәра, ахатәмазаразы азинқәа рсистемеи, иара убасгьы еиҭамҵуа амал аҳәынҭқарратә шәҟәҭагалареи аикәыршареи рзинтә еиҿкаареи роуп.
Жәлар Реизара-Апарламент иаднакылеит адепутат Адгәыр Ҳаразиа инапынҵақәа заанаҵы раанкылара.Ԥхынҷкәын 19 рзы Аԥсны Жәлар Реизара-Апарламент аҿы иҟалаз ахысрақәа ирыхҟьаны адепутат Вахтанг Гәаланӡиа дҭахеит адепутат Кан Кәарҷиа дырхәит. Агәҩара зызрымаз адепутат Адгәыр Ҳаразиа иҽиӡеит, азинхьчаратә усбарҭақәа русзуҩцәа аоперативтә ԥшааратә усмҩаԥгатәқәа ирҿуп.
Аҟәа ангиограф азы ахыбра аргылара аамҭахҵәа инақәыршәаны имҩаԥысуеит ҳәа аминистрцәа реилазаара аилатәараҿы аҳәамҭа ҟаиҵеит агәабзиарахьчара аминистр Едуард Быҭәба.Иара иажәақәа рыла, атрансформатор аԥсахра иадҳәалоу ауадаҩрақәеи аҳауарыцқьара аиҿкаара иадҳәалоу атехникатә зҵаарақәеи рыӡбара цоит.Агәабзиарахьчара аминистрра аиқәыршәагақәа инарыцҵаны раахәаразы 13 миллион мааҭ инареиҳаны аԥара аиухьеит ҳәа азгәеиҭеит Быҭәба.Ареспубликатә хәшәтәырҭа аҵакыраҿы ахыбра аргылара иаҿуп. Уаҟа ангиограф шьақәыргылахоит ԥхынгәы 1 азы. Иара 100 миллион мааҭ рҟынӡа иаԥсоуп, Урыстәыла ацхыраарала иаахәоуп.