АҞӘА, ԥхынгәы 17 — Sputnik. Урыстәыла иҭахаз украинатәи аруаа зықьҩык рыԥсыбаҩқәа рырҭеит сҭампылтәи аиҿцәажәарақәа инарықәыршәаны.
Уи аҭакс Киев иархынҳәит иҭахаз урыстәылатәи аруаа 19-ҩык рыԥсыбаҩқәа, абри азы аҳәамҭа ҟаиҵеит Урыстәыла ахада ицхырааҩ Владимир Медински.
Урыстәылеи Украинеи реиҿцәажәарақәа аҩбатәи рраунд мҩаԥысит рашәарамза 2 рзы. Атҟәацәа реиҭныԥсахларазы аиқәшаҳаҭра рыбжьарҵеит.