Гагра ахәҭаки Кемпинг ҳәа иахьашьҭоу аҳабла маҷи рҿы аӡы лассы-лассы иахьдырцәо зыхҟьо аӡы ахьазымхо ауп ҳәа Sputnik адырра аиҭеит аҭыԥантәи "Аӡыршьҭра" анџьныр хада Фома Агрба.Уи иазгәеиҭеит акурорттә аамҭа анеилашуа аӡы иаҳа ирацәаны ахархәара шамоу. "3000 кубтә метр зкуа ҳӡеизгарҭахь аӡы маҷны иҭало иалагеит, избан акәзар уи аԥхьа иҟоу ажәытә Гагра апансионатқәеи асасааирҭақәеи аӡы аиҳарак ргоит", — ҳәа иазгәеиҭеит иара.Араион анапхгара ргәы иҭоуп аԥсшьарҭақәа ирыҳәарц мышкы иалагӡаны сааҭқәак аӡы рхы иадмырхәарц аӡеизгарҭаҿы аӡы аҭалара иахьӡарц азы.
Аԥсны ахаҭарнакцәа Урыстәылазегьтәи аҿар рфорум "Аекосистема. Аҳәырԥсарра атәылаҿацә" рхы аладырхәит.Ареспублика ахьӡала Камчаткаҟа ицеит Жанна Аибеи Аида Габлиеи ҳәа аанацҳауеит Аҿари аспорти русқәа рзы Аҳәынҭқарратә еилакы.Афорум еиднакылеит 600-ҩык аспециалистцәа – аекологцәа, активистцәа, абиотехнологцәа. Урҭ амастер-классқәа ирылахәхоит; иналукааша аҵарауаа рлекциақәа, аишәа гьежьқәа, аҳәырԥсаррақәа рахь аекскурсиақәа.
Аҟәеи Санкт-Петербурги ишиашоу аҳаиреимадара шьақәдыргылоит.Аҩадатәи аҳҭнықалақь аҟынтәи раԥхьатәи ареис инықәырԥшны иҟалараны иҟоуп, нанҳәамза азбжазы ҳәа Sputnik адырра анаҭеит Аԥсны Аенергетика аминистрра.Атуроператор "Библио-Глобус" ишазгәанаҭо ала, аилахәыра iFly иатәу Airbus A330 актәи аԥырра азгәаҭоуп нанҳәа 14 рзы, аҩбатәи – нанҳәа 20 рзы.Анаҩс аҳаирплан ақалақьқәа ирыбжьыслоит мчыбжьык ахьтә ҩынтә, аԥшьашалеи мҽышалеи.
Аҟәа имҩаԥгахоит ауаажәларратә ныҟәарақәа.Уи азы адҵа инапы аҵеиҩит ақалақь ахада Ҭемыр Агрба.Нанҳәа 5 инаркны 8 рҟынӡа Сергеи Багаԥшь ихьӡ зху ашҭаҿы иаатуеит Аҟәатәи агастрофестиваль ду.Даҽа агастрономусмҩаԥгатәк – уи Амилаҭтә чыс афестиваль аатуеит нанҳәа 6 рзы Идырым асолдат ибаҟа азааигәара иҟоу апарк аҿы. Иара убас, уаҟа амастер-классқәеи аконцертқәеи мҩаԥгахоит.
Ҟабарда-Балкариа хҩык атеррористцәа аԥырхит ҳәа адырра ҟанаҵеит АфедШәМ.Аусҭҵаара излаанацҳауала, нанҳәа 1 ауха, Исламеи ақыҭа акалҭ аҿы Урыстәыла ззин ыҟам аиҿкаара алахәылацәа раанкылараан, ашәарҭадаратә мчрақәа русзуҩцәа амашьынаҿ хҩык бџьарла еибыҭаз ауаа рбеит. Урҭ азинхьчаҩцәа рыҽрырҭарц иҟаҵаз адҵа аҭакс ахысра иалагеит.Азинхьчаратә усбарҭақәа русзуҩцәа рыбжьара ԥсыҭбара ҟамлаӡеит. Аҭыԥ аҿы абџьари, арҭҟәацгатә маҭәахәқәеи, аџьаԥҳани аадырԥшит. Аекспертизатә гәаҭарақәа рымҩаԥгаразы адҵа ҟаҵоуп, аусеилыргара ахҭыс аҭагылазаашьа шьақәнаргылоит.