АҞӘА, жьҭаара 9 - Sputnik. Аҟәа, Ешба имҩаҿы иҟоу аҩнеихагылақәа ҩба рҿы ахыбқәа рыԥсахуеит.
173-тәи аҩны аҿы "Ақалақьргыларапроект" аҟазацәа амшцәгьақәа раан ӷәӷәала ааха зауыз ахыб зегьы рыԥсахоит ҳәа адырра ҟанаҵеит ақалақь ахадара.
193-тәи аҩны аҿы ажәытә бетонтә қәҵа ақәгара иаҿуп. Ақалақь ахада ихаҭыԥуаҩ Константин Ҭарба иажәақәа рыла, уаанӡа уаҟа ахыб аныҟарҵоз агха ҟаҵан.
Аусурақәа мҩаԥгахоит аԥҟарақәа зегьы рықәныҟәарала.