АҞӘА, жьҭаара 9 - Sputnik. Челиабинск имҩаԥысуаз Жәларбжьаратәи афестиваль "Камерата" аҟны Ирина Делԥҳа иреиӷьу актриса ҳәа далыркааит ҳәа аанацҳауеит РУСДРАМ.
Атеатр актриса "Актәи аплан иатәу иреиӷьу актриса" ҳәа аԥхьахә хада ланашьоуп.
Аԥхьахә лоуит Артур Палыга ипиеса иалху Антон Корнилов испектакль "Амрашәахәа зхьыршоу" аҿы Мари Киури лроль азы.
Аҳамҭа аиуразы еицлабуан Ольга Кабо, Марина Кондратиева реиԥш иҟоу урыстәылатәии адунеизегьтәии атеатрқәа рҟнытә иреиӷьу актрисацәа.