Аԥсны ахада Бадра Гәынба Лыхны "Аҽаҩраныҳәа" далахәын иацы.Иара араион иқәынхо, иара убас асасцәа аныҳәамш рыдиныҳәалеит ирзеиӷьеишьеит аҭынчра, аизҳара, аинҭәылара.. Атәыла ахада иазгәеиҭеит ақыҭа аиқәырхара аҵак ду шамоу.Бадра Гәынба Аминистрцәа реилазаара ириҭаз анапынҵа инақәыршәаны ишьақәырӷәӷәахоит аусбарҭа-хықәкытә программа "2026 шықәсазы ақыҭанхамҩа аҿиара", уи иааиуа ашықәс азы аусура иалагоит. Апрограмма анагӡаразы иазоужьхоит 500 млн мааҭ.
Аԥсны асоциалтә еиқәыршәареи адемографиатә политикеи рминистр Руслан Аџьба имаҵураҭыԥ аҟынтәи ихы дақәиҭтәуп. Уи азы аусԥҟа инапы аҵеиҩит атәыла ахада Бадра Гәынба ҳәа аанацҳауеит аҳәынҭқарра ахада ипресс-маҵзура. Аусбарҭа анаԥхгаҩы инапынҵақәа аамҭала иналыгӡалоит аминистр ихаҭыԥуаҩ Кама Аӡынԥҳа.
Речхә ақыҭан аӡымҩангага хада аҟны иҟалаз аԥжәара аҭыԥ макьана иԥшаам, ақалақь ӡыда иҟоуп, абри атәы Sputnik иазеиҭеиҳәеит Гал араион ақалақьтә нхамҩа аусбарҭа анапхгаҩы Гиа Кәакәасқьыр.Иара иажәақәа рыла, аремонттә усурақәа рымҩаԥгара ауадаҩра рзацуп амшцәгьа иахҟьаны.Кәакәасқьыр иҳәеит Галтәи аӡымҩангага хада ааха аиуит иҟалаз адгьылҳәазара иахҟьаны. Авариа ахьыҟалаз аҭыԥ аԥшаара иаҿуп аспециалистцәа, урҭ иаразнак арҽеиратә усурақәа ирылагоит.
Аԥкьаҭмпыласҩы Нестор Цужба аиааира игеит Болгариа имҩаԥысуаз жәларбжьаратәи аицлабра Huskovo Cup 2015 аҟны.Иара хаҭалатәи аиндаҭлараҿи, иара убас ҩыџьа-ҩыџьалатәи аицлабрақәа рҿы Александр Кириианови иареи аиааира ргеит,абри атәы аанацҳауеит Аԥсны аҿари аспорти русқәа рзы Аҳәынҭеилакы.Нестор 13 шықәса зхыҵуа Урыстәыла еизгоу акоманда далахәуп, аспорттә клуб "Спартак" аҿы иҽазыҟаиҵоит. Иара аԥкьаҭмпыл ахь раԥхьатәи ишьаҿақәа еихигеит Аԥсны аспорт азҟаза Елизабет Акуциа лнапхгарала.