Аԥсны Аминистрцәа реилазаара аилатәараҿы ирыдыркылеит "2026 шықәсазтәи ареспубликатә биуџьет азы" азакәан апроект.Ареспубликатә биуџьет ахашәалахәы 14,3 млрд мааҭ ҟалоит. Уахь иаҵанакуеит Урыстәылатәи афинансттә цхыраарагьы:▫️4,25 млрд мааҭ – асоциал-економикатә ҿиаразы; ▫️миллиардк 2026-2028 шықәсқәа рызтәи Аинвестициатә программа аҳәаақәа ирҭагӡаны; ▫️250 млн мааҭ 2026-2028 шықәсқәа рзы аекономиказ аҳәынҭқарратә цхырааратә усмҩаԥгатәқәа рԥаразоужьразы. Ареспубликатә биүџьет ахарџь 14,7 млрд мааҭ ҟалоит. 426 млн мааҭ – адефицит.
Аԥсны, аҳәаанырцәтәи аҳаиреилахәырақәа жәларбжьаратәи аҳаирмҩангарақәа рзы иҟарҵо амаҵзурақәа рзы аҳаирбаӷәаза аоператорцәа ахәԥсацҵа ашәахтә азы анольтә зыԥҵәа шьақәдыргылеит. Аиҭакрақәа адепутатцәа аҵыхәтәантәи аԥхьараҿы ирыдыркылеит. Адокумент рыдыркылеит 2025 шықәса лаҵарамзазы, аҳаирбаӷәаза аусура ианалага ҳәа иҳәеит Жәлар Реизараҿы аҳәынҭқарра ахада ихаҭарнак Дмитри Шамба. Усҟан Аминистрцәа реилазаара АЦА аҟынтәи зых иақәиҭтәхо амаҵзурақәа рсиа еиқәнаршәарц еиқәшаҳаҭхеит, анаҩс уи Апарламент азакәанԥҵараҿы ишьақәнаргыларц
Аԥсны хаҭалатәи атәанчахәы еизҳаит. Уи азы аӡбара рыдыркылеит Апарламент адепутатцәа жьҭаарамза 28 рзы имҩаԥысуа аилатәараҿы. Хаҭалатәи атәанчахәы рырҭоит Аминистрцәа реилазаара аӡбарала: I агәыԥ иаҵанакуа аибашьра аинвалидцәеи, аҭынчра аамҭазы Аԥсадгьыл ахьчараҿы ахәра ӷәӷәа зауз I агәыԥ аинвалидцәеи. Ареспубликаҿы иарбоу атәанчахәы зауа 106-ҩык ыҟоуп.
Дамир Кәыҵниа Апарламент аҿы Аԥсны Апрокурор хада актәи ихаҭыԥуаҩыс дшьақәдырӷәӷәеит. Асессиа аилатәараҿы уи икандидатура рыдигалеит Апрокурор хада Адгәыр Агрба. Абжьыҭара иалахәын 31-ҩык адепутатцәа. 30-ҩык адепутатцәа адгылара ирҭеит, биуллетенк амч ацәыӡит ҳәа ирԥхьаӡеит.