Атәыла ахада Бадра Гәынба Аҧснытәи аҳәынҭқарратә телерадиоеилахәыра аусзуҩцәа Аԥсуа телехәаԥшра аԥҵара амш рыдиныҳәалеит."Аԥсуа телехәаԥшра ҳтәыла аҭоурых ҿыц аҟны иҷыдоу аҭыԥ ааннакылоит, Аԥсны ауаажәларратәи акультуратәи ԥсҭазаара иахәҭакны иҟан, ҳажәлар ирхыргаз илахьынҵаӡбагаз ахҭысқәа ирхаанын, урҭ ирылахәын ҳәа азгәеиҭеит атәыла ахада. Иахьа ателехәаԥшра ҳтәыла аԥсҭазаара саркьаҵас изныԥшуа хәынҭқарратә усбарҭак аҳасабала, – ауаажәларра ргәаанагара ашьақәыргылара, амилаҭтә хаҿра ашьақәырӷәӷәара иазку аҵак дуӡӡа змоу аус анапы иануп "- ҳәа азгәаҭоуп адныҳәаларатә шәҟәаҿы
Америка аиадертә бџьар аԥышәарақәа рылагаразы иамоу агәҭакы далацәажәеит Владимир Путин Ашәарҭадаратә хеилак алахәылацәа алархәны имҩаԥигаз аилатәараҿы.Уи Дональд Трамп иҟаиҵаз аҳәамҭа "кыр зҵазкуа зҵаароуп" ҳәа иԥхьаӡеит, насгьы "Новая земля" аԥышәаратә ҭыԥ аҿы иҟалар зылшо аҭактә ԥышәарақәа рзы ажәалагалақәа реиқәыршәара азы адҵа ҟаиҵеит. Путин иазгәеиҭеит Урыстәыла аиадертә ԥышәарақәа рықәиҭымтәра азы Аиқәшаҳаҭра аԥҟарақәа рҟынтәи ахыԥара агәҭакы шамам, аха егьырҭ анапы зҵазҩыз атәылақәа абас еиԥш аусмҩаԥгатәқәа рыҟаҵара мчыла ишыҟало.
Аволонтиортә центр аартхоит Аԥсны аҳәынҭколлеџь ахыбраҿы ԥхынҷкәын 5 рзы, уаанӡа уаҟа аремонттә усурақәа мҩаԥгахоит.Ацентр аҳәаақәҵаҩ Саманта Делԥҳа лажәақәа рыла, ари ацентр еиднакылоит — аволонтиорцәа, аволонтиорс иҟаларц зҭаху зегьы. Ацентр аартхоит "Аԥсны акоманда" апроект аҳәаақәа ирҭагӡаны Урыстәыла ахада иплатформа "Урыстәыла – Алшарақәа ртәылеи" ассоциациа "Добро.рф -и" рыцхыраарала.
Хьыбла Возԥҳа Аԥсны аҳәынҭқарратә хортә капелла аиҳабыс дҟаҵоуп.Абри азы аусԥҟа инапы аҵеиҩит акультура аминистр Даур Ақаҩба ҳәа аанацҳауеит аусбарҭа апресс-маҵзура.Уажәаԥхьа ари амаҵзура ныҟәигон Аԥсны Жәлар рартист Нодар Ҷанба. Иара уажәшьҭарнахыс акапелла асахьаркыратә напхгаҩыси дирижиорси дыҟазаауеит.Хьыбла Возԥҳа 2010 шықәсазы ААУ далгеит "Жәларбжьаратәи аизыҟазаашьақәа" азанааҭ ала.Зны Аԥсны ахада аҳәынҭпротокол аусбарҭа референтс дыҟан. Аԥсны ахада ипресс-маӡаныҟәгаҩс. Аҵыхәтәантәи ԥшьышықәса раахыс — арт-ҭыԥ "Гәыма" аиҿкааҩцәеи анапхгаҩцәеи дыруаӡәкуп.