Кавказ ашәарҭадареи аҭышәынтәалареи ирызку Жәларбжьаратәи аиҿцәажәарақәа 65-тәи рраунд аатуеит уаҵәы . Уи алахәхаразы Аԥсны Аҳәынҭқарра аҟынтәи аделегациа Женева инеит, ҳәа аанацҳауеит Аԥсны Аҳәынҭқарра адәныҟатәи аусқәа Рминистрра апресс-маҵзура.Адәныҟатәи аусқәа рминистр Олег Барцыц наԥхгара зиҭо аделегациа аилазаараҿы иҟоуп адәныҟатәи аусқәа рминистр ихаҭыԥуаҩ Одиссеи Бигәаа, адәныҟатәи аусқәа рминистрра аусзуҩцәа Лаша Аҩӡбеи, Артур Гагәылиеи.
Аԥсны жәлар Рџьынџьтәылатә еибашьра аветеран, "Аруаа" Иреиҳаӡоу ахеилак алахәыла Дамеи Кәыҵниа Арратә операциа ҷыда азонаҿы дҭахеит.Абри азы Sputnik адырра аиҭеит "Донбасс абнатә дивизиа" акомандир Ахра Аҩӡба.Иазгәаҭоуп Кәыҵниа ихәыз аибашьҩы даналигоз, адрон ахымца шижәнаҵаз.Аԥсны аделегациа Женеваҟа инеит Аахыҵ Кавказ ашәарҭадареи аҭышәынтәалареи рзы жәларбжьаратәи аиҿцәажәарақәа 65-тәи рраунд алахәхаразы.Аминистр Олег Барцыц хадара ззиуа аделегациа иалоуп аминистр ихаҭыԥуаҩ Одиссеи Бигәааи АдәАР аусзуҩцәа Лаша Аҩӡбеи Артур Гагәылиеи.
Урыстәыла-америкатәи аизыҟазаашьақәа рҿы еиқәылаз аилибамкаарақәа жәпакы Баиден иадминистрациа аҟынтәи иаауеит иҳәеит Урыстәыла адәныҟатәи аусқәа рминистр Сергеи Лавров РИА Новости иеиҭаз аинтервиу аҿы.Иара иажәақәа рыла, урҭ "аԥҽыхақәа" реибыҭара акыр аамҭа аҭаххоит. Администрациа ҿыц анааи ашьҭахь урыстәылатәи аган Америка аиҿцәажәарақәа ишрызхиоу рбо иалагеит, аха уи апроцесс акыр идыргәагәоит.
*Аҵыхәтәантәи ҩышықәса рыҩнуҵаҟа Аԥсны амҩан иҟало амашәырқәа рхыԥхьаӡара еиҵахеит. Абри атәы арадио Sputnik аефир аҟны иҳәеит Аԥсны Аҳәынҭқарратә автоинспекциа аиҳабы Дамеи Аҩӡба."2024 шықәсеи 2025 шықәса жәамзи ирылагӡаны ҳамҩадуқәа рҟны 290 машәыр ҟалеит, урҭ раан иҭахеит 83-ҩык, ааха роуит 388-ҩык. Ҿырԥштәыс иугозар 2022-2023 шықәсқәа, амҩатә машәырқәа рхыԥхьаӡара наӡон 400 рҟынӡа, иҭахақәаз — 121-ҩык, ааха зауз — 560-ҩык ыҟан", — ҳәа еиҭеиҳәеит Аҩӡба.Убас ала, амҩатә машәырқәа рхыԥхьаӡара маҷхеит 110 рыла, иҭахаз — 38-ҩык рыла, ааха зауз — 172 рыла еиҵоуп ҳәа адырра ҟаиҵеит Аҩӡба.
Аҳәынҭавтоинспекциа аиҳабы Дамеи Аҩӡба, иҳәеит авидеорбагақәа даара ишцхыраагӡоу, Ԥсоу инаркны Аҟәанӡа 26 камера шықәыргылоу. Очамчыра араион аҟны 14 камера аус руеит, даҽа быжькамерак аԥышәара ҳасабала иаҿаркхьеит, арҽеиратә усурақәа рышьҭахь урҭгьы аусура иалагоит, урҭ аилагарақәа анырҵалоит.