Аԥсны атәыла ахада Бадра Гәынба нанҳәамзазы аиҳабыра реилазаара анапынҵақәа жәпакы рыиҭеит русбарҭақәа ирыдҳәалоу ахыдҵақәа инарықәыршәаны ахықәкытә программақәа аздырхиарц. Иаагозар, Ақыҭанхамҩа аминистрра ақыҭанхамҩа аҿиаразы ахықәкытә программеи, аҭыԥантәи афермертә нхамҩақәа реиҿкаареи анаплакыҩцәа адгылара рыҭареи рзы ажәалагалақәа азнархиар акәын. Ишԥашьақәыргылоу апрограмма, иарбан проектқәоу еиҳа азхьаԥшра ззухо, 2026-тәи ашықәс азы 500 миллион мааҭ зларзоужьхо ала, ақыҭанхамҩа аҿиаразы иҟоу аҭагылазаашьа иабанӡаԥсахыр алшо, ишԥеихшахо уи аԥара? Абарҭи егьырҭ азҵаарақәеи дрылацәажәеит Аԥсны ақыҭанхамҩа аминистр Беслан Џьопуа.
Аицәажәара шәаҳар шәылшоит аудиофаил аҟны хыхь.