Арегион аҟны ишьақәгылаз аҭагылазаашьа азхьамԥшразы Қырҭтәыла иҟанаҵо аҽазышәарақәа — башоуп, абас аҳәамҭа ҟаиҵеит Аԥсны адәныҟатәи аусқәа рминистр Олег Барцыц Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа изаамҭанытәиу рраунд аҟны ирӡбраны иҟоу азҵаарақәа ишрыцәхьамҵо азгәарҭеит. Барцыц иажәақәа рыла, Аԥсны даҽазныкгьы инаҵшьны иазгәанаҭеит ҳҳәынҭқарра аганахьала амч ахамырхәаразы азинтә документ Қырҭтәыла рнапы аҵарҩыроуп ҳәа."Сара агәра ганы сыҟоуп, иахьа ҳара акыр зҵазкуа аусшәҟәы анапаҵаҩразы даҽа шьаҿак шыҟаҳҵаз" — иҳәеит иара.
Аԥсни Аахыҵ Уаԥстәылеи иааԥмырҟьаӡакәа инхо, урыстәылауаҩра змоу аԥсуааи ауаԥсааи ртәылауаҩшәҟәқәа рыԥсахреи ма риуреи апроцедура ырмариоуп.Ақәҵара инапы аҵеиҩит Урыстәыла аԥыза-министр Михаил Мишустин.Уажәшьҭа урыстәылатәи атәылауаҩшәҟәқәа рыԥсахреи ма раиуреи рзы Урыстәылаҟа ацара аҭахӡам. Арҭ азҵаарақәа рыӡбалоит ареспубликақәа рҵакыраҟны аамҭала аус зуло Урыстәыла Аҩнуҵҟатәи аусқәа рминистрра аусзуҩцәа
Аԥснытәи аҳәынҭқарратә университет аҿы иаатит аҩбатәи Жәларбжьаратәи аҭҵаарадырратә-практикатә конференциа "Ахатәы бызшәеи, алитературеи, афольклори: иахьатәи аҭагылазаашьеи аԥеиԥши" ҳәа хьӡыс измоу. Афорум еиҿнакааит афилологиатә факультети, аԥсуа-адыга филологиа ацентри. Ари аусмҩаԥгатә еиднакылоит аҵарауаа Кавказ ажәларқәа рбызшәеи, рлитературеи, рфольклори рыла амилаҭтә хаҿра аиқәырхареи аҿиареи ирызку иахьатәи азҵаарақәа рылацәажәаразы.Аконференциа иахьеи уаҵәы ицалоит . Уи иалахәуп Аԥсны, Даӷьсҭан, Ҟабарда-Черкесстәи Ареспублика, Ҟарачы-Черкесстәи Ареспублика, Адыгеиа рҟынтәи аҵарауаа.
РУСДРАМ алахәхоит атеатртә менеџьерцәа рзы Вахтангов ихьӡ зху атеатр имҩаԥнаго афорум."Афорум еиднакылоит атеатртә менеџьмент ахархәашьа здырҵо атеатр аусхк аспециалистцәа. Уи ҳаҭыр ду зқәу, акыр зҵазкуа хҭысуп", — абас аҳәамҭа ҟаиҵеит арадио Sputnik аҟны РУСДРАМ адиректор хада Иракли Хынҭәба.Хынҭәба иҳәеит атеатрқәа русеицура ԥхьаҟагьы ишацҵахо, Вахтангов ихьӡ зху атеатр агастрольқәа рыла Аԥсныҟа раара иҵегь азгәаҭоуп.
Аԥснытәи асахьаҭыхыҩцәа апроект "Ҵәаӷәацыԥхьаӡа акультура алашара" аҳәаақәа ирҭагӡаны Афон ҿыц аҩнқәа руак аҿы раԥхьатәи аҭӡы аҟны асахьа ҭырхит.Асахьа еиднакылоит итрадициатәу амилаҭтә џьоуҳари ареспублика ашьхақәа рҿы иуԥыло, зеиԥш маҷу ашәҭ – ашьхарнаша еиқәаҵәеи.Апроект анапхгаҩы, аицлабра "Аԥсны акоманда" иаиааиз Анжелика Вартикиан лажәақәа рыла, даҽа х-хыбрак рырԥшӡара азгәаҭаны иҟоуп Тҟәарчали, Аҟәеи, Ешыреи.