Урыстәыла иарбан хҭысзаалак иҟалар зылшо аҿиара иазыхиоуп, аха абџьартә еицлабра ҿыц ҳалархәра алҳаршом иҳәеит Урыстәыла Ашәарҭадаратә хеилак амаӡаныҟәгаҩ Сергеи Шоигу РИА Новости иеиҭаз аинтервиу аҿы.Иара иажәақәа рыла, Урыстәыла ахада инапхгарала, апрофильтә усбарҭақәа аиадертә ԥышәарақәа рҽазыҟаҵара ахәҭазаара анализ азура иалагеит, иара убасгьы иҟоу ауадаҩрақәеи урҭ рыҿиареи рҭакҟаҵара амодель аздырхиоит.
Сынтәа Риҵатәи амилаҭтә парк аӡынтәи атуризм азы аҩны аанартуеит ҳәа арадио Sputnik иазеиҭеиҳәеит апарк аҭҵаарадырратә усзуҩ еиҳабы Ҭемыр Тәанба.Иара иажәақәа рыла, аҩнаҿы анхараз иаҭаху зегьы ыҟоуп, 10-ҩык рыдкылара алшоит, уажәнатәгьы аҭыԥқәа заанаҵы аанкылара иалагахьеит."Аӡынтәи атуризм аҿиара иазку ахырхарҭа аԥышәара ҳҽазаҳкит. Асаҿы даҽа ныҟәагагакгьы ааҳхәеит, ауаа ааҳгалоит, аныҟәарақәа еиҿаҳкаалоит. Ари ахырхарҭа аҿиараҿы раԥхьатәи шьаҿақәоуп, азҵаара ииашаны азнеира ҳҽазаҳшәоит,ашьхатә туризм агәҽанызаара аарԥшны азнеира аҭахуп, аекологиеи акультуратә ҷыдарақәеи ҳасаб рзутәуп»-иҳәеит Тәанба
Аҟәа иҟоу Москва Аҩны аԥснытәи ажурналистцәа рзы есышықәсатәи амедиа-школ аанартит.Абҵара 13-14 рзы ажурналистцәеи, аредакторцәеи, PR - аҟазацәеи алахәуп ажурналистикеи, ателехәаԥшреи, ауаажәларратә еимадарақәеи рзы Урыстәылатәи аекспертцәа имҩаԥырго аҟазара-классқәа.Раԥхьа алахәылацәа рҿаԥхьа дықәгылеит ажурналист, апродиусер Мариа Черкасова. Лара еиҭалҳәеит ажурналист иусураҿы иԥсабаратәым аинтеллект ахархәашьа — аконтент аԥҵаразы, атемақәа рыԥшааразы, аинформациа ахҳәааи аизгареи рзы.Аусмҩаԥгатә еиҿкаауп Москватәи аиҳабыреи, Москва ақалақь адәныҟаекономикатәи жәларбжьаратәи аимадарақәа Рдепартаменти, Москватәи аџьынџьуаа рыҩни рыцхыраарала.
Аԥснытәи асахьаҭыхыҩцәа апроект "Ҵәаӷәацыԥхьаӡа акультура алашара" аҳәаақәа ирҭагӡаны Афон ҿыц аҩнқәа руак аҿы раԥхьатәи аҭӡы аҟны асахьа ҭырхит.Асахьа еиднакылоит итрадициатәу амилаҭтә џьоуҳари ареспублика ашьхақәа рҿы иуԥыло, зеиԥш маҷу ашәҭ – ашьхарнаша еиқәаҵәеи.Апроект анапхгаҩы, аицлабра "Аԥсны акоманда" иаиааиз Анжелика Вартикиан лажәақәа рыла, даҽа х-хыбрак рырԥшӡара азгәаҭаны иҟоуп Тҟәарчали, Аҟәеи, Ешыреи.
РУСДРАМ алахәхоит атеатртә менеџьерцәа рзы Вахтангов ихьӡ зху атеатр имҩаԥнаго афорум."Афорум еиднакылоит атеатртә менеџьмент ахархәашьа здырҵо атеатр аусхк аспециалистцәа. Уи ҳаҭыр ду зқәу, акыр зҵазкуа хҭысуп", — абас аҳәамҭа ҟаиҵеит арадио Sputnik аҟны РУСДРАМ адиректор хада Иракли Хынҭәба.Хынҭәба иҳәеит атеатрқәа русеицура ԥхьаҟагьы ишацҵахо, Вахтангов ихьӡ зху атеатр агастрольқәа рыла Аԥсныҟа раара иҵегь азгәаҭоуп.