Шәарах Ҧачалиа ихьӡ зху Тҟәарчалтәи аҳәынҭқарратә комедиатә театр аҧҵоижьҭеи 70 шықәса ҵит. Аҧсны Раҧхьатәи Ахада Владислав Арӡынба иусҧҟала Тҟәарчалтәи атеатр иахҵан аҳәынҭқарратә статус. Ари Арҿиаратә коллектив аиубилеи рыдиныҳәалеит Аҧсны Аҳәынҭқарра Ахада Бадра Гәынба. Аҽхәаҧхьыӡ иаҧсоуп атеатр ҳаамҭазтәи аусураҿы иалнахыз аҟазшьа ҷыда- аҧсуа қыҭақәа рҭаара. Хымҧада атеатртә ҟазара ауааҧсыра, аиҳаракгьы аҿар радыҧхьаларазы ари ус дууп. Ахәаҧшҩцәа рыбзиабара еснагь ишәыцзааит. Ҽааныбзиала шәнеиааит!»- аҳәоит адныҳәалараҿы
Урыстәыла аурыс бызшәа официалтә бызшәаны иахьыҟоу атәылақәа ртәылауаа рмашьынаныҟәцаратә шәҟәқәа азханаҵар алшоит ҳәа адырра ҟаиҵеит Аҳәынҭдума ахантәаҩы Виачеслав Володин. Абри атәы аанацҳауеит Sputnik Ааигәатәи аҳәаанырцә. Аурыс бызшәа ари аҩыза астатус амоуп Белоруссиа, Ҟазахсҭан, Кыргызсҭан, Таџьикисҭан, Аԥсны, Аахыҵ Уаԥстәыла."
Асезон иаалагазар Аԥсны Урыстәылаҟа 4,5 нызқь тонна рҟынӡа амандарина ашьҭхьеит.Аҳәынҭқарратә ҳазалхратә еилакы иҟанаҵаз адыррақәа рыла, иҳаҩсыз ашықәс абри аамҭазы 3,6 нызқь тонна Урыстәылаҟа инашьҭын.Ареспублика иара убасгьы идәықәнаҵеит:1000 тоннак афеихоа,176 тонна ахәырма,196 тонна алимон.Ақыҭанхамҩа аминистрра излаанацҳауа ала, асезон нҵәаанӡа 33 000 тонна аԥснытәи амандарина атәыла анҭыҵҟа адәықәҵара азгәаҭоуп.
Аҟәа Амилаҭтә библиотекаҿы иаатыз IV Жәларбжьаратәи аҵараиурҭабжьара аҵарадырратә цәыргақәҵа еиҿнакааит Аԥсны иҟоу Россотрудничество Ахаҭарнакра Аԥсны иҟоу Урыстәыла Ацҳаражәҳәарҭеи, Аԥсны аҵарадырра аминистрреи, Аԥсны акультура аминистрреи рыцхыраарала.Сынтәа Аԥсны атәылауаа урыстәылатәи иреиҳау аҵараиурҭақәа рҿы хәыда-ԥсада аҵараҵаразы 115 квота рзоужьуп, азыҳәақәа рыдкылара ԥхынҷкәынмза 15 рҟынӡа имҩаԥыслоит.Аԥхьаҟатәи абитуриентцәа аҵараиурҭақәа рҭалара алыршареи аҵаратә программақәеи ртәы еилыркаар рылшоит.
Аҟәа, Ӡиӡариа ихьӡ зху ашкол-интернат ашҭаҿы аспорттә дәы аадыртит.Аобиект дыргылеит Урыстәыла ахада Иусбарҭа аиҳабы актәи ихаҭыԥуаҩ Сергеи Кириенко инапынҵала, Ханты-Мансиисктәи автономтә округ афинанстә цхыраарала.Аԥсны аҵара аминистр Хана Гәынԥҳа аартра ацеремониаҿы инаҵшьны иазгәалҭеит еиҵагыло абиԥара рыԥсҭазаараҿы аспорт иамоу аҵакы.Ханты-Мансиисктәи автономтә округ аиҳабыра рхаҭарнак Едуард Никитин агәыӷра ааирԥшит аспорттәдәы ҿыц ахәыҷқәа рыԥсшьареи адисциплина ранраалареи рзы ихәарҭоу ҭыԥны иҟалап ҳәа.Аспорт азы аҳәынҭқарратә Еилакы аҿар рыҟәша ахантәаҩы Идрис Кара-Осман-оӷлы агәрагара ааирԥшит Ханты-Мансиисктәи автономтә округи Аԥсни рыбжьара аусеицура анаҩсгьы ишацҵахо.