Аҟәа, Ахақәиҭра ашҭаҿы атәыла аԥсаҵла хада аргылара иалагеит." Ҩымш ҳҽазыҟаҳҵон, асхема инақәыршәаны абаҩ аибаркра ҳалагеит. Ҳгәаанагарала, уи мчыбжьык ала иҳаргылоит", — ҳәа Sputnik иазеиҭалҳәеит аҳҭнықалақь аҳәынҭынхамҩа аусбарҭа аиқәыршәазаара аспециалист Кама Қәҭелиаԥҳа.Лара илҳәеит сынтәа аԥсаҵла ҵыԥхтәи аасҭа 12 метра ишеиҳахо. Аԥсаӡ ҿыц азы ахәмаргақәа аархәахьеит.Ахақәиҭра ашҭаҿы аныҳәатә хаҿрарԥшӡара азырхиоуп."Ашықәс ҿыцтәи аиармарка шыҟац иҟалоит, еиҳа еиҳаны атәарҭақәеи аҟәардәқәеи ргылахоит, уи ақалақьуаа ргәазыҳәароуп", — лҳәеит аспециалист.
"Аԥсны акомандеи" Адунеизегьтәи аҿар рфестиваль Адирекциеи аусеицуразы Аиқәшаҳаҭра рыбжьарҵеит. Адунеизегьтәи аҿар рфестиваль Адирекциа адиректор хада Дмитри Иванов иазгәеиҭеит иара дшазхиоу апартниорцәа ирылшо ала ацхыраара рыҭара, насгьы "Аԥсны акоманда" апроектқәа ареспубликаҿы адирекциа ахаҭарнакра адгалара."Ихадоу убри ауп — ҳнапы зҵаҳҩыз аусшәҟәы баша иформалтәу еиқәшаҳаҭра мацараны акәымкәа, аизыҟазаашьақәа ииашаҵәҟьаны рзакәантәра", — иҳәеит иара."Аԥсны акоманда" адиректор хада Георги Габуниа знапаҵаҩу аиқәшаҳаҭра аҵакы шаиуа азы агәрагара ааирԥшит.
Аҳабла ҿыц аҿы иаатыз апарк Алада-Новгороди Аҟәеи реиҩызара ашҭа ҳәа ахьӡ ахҵоуп."Сара сгәаанагарала, иахьатәи амш Аҳабла ҿыц ауааԥсыра рзы мацара акәымкәа, Аҟәа ауааԥсыра зегьы рзы ныҳәоуп ҳәа. Ҳауаажәлар рзыҳәа даҽа ԥсшьарҭа ҭыԥ бзиак аатит", — ҳәа азгәеиҭеит Аҟа ақлақь ахада Ҭемыр Агрба.Апарк 2 гектарк рҟынӡа аҵакыра ааннакылоит. Уа еиуеиԥшым ақәрақәа рзы ахәмарырҭақәа ыҟоуп — 3 шықәса инаркны 5-6 шықәса рҟынӡа, 7 шықәса инаркны 12 шықәса аҟынӡа.Ҭемыр Агрба инаҵшьны иазгәеиҭеит аобиект азы адирекциа шеиҿкаахо , апарк хылаԥшра азызуа аусзуҩцәа шыҟало .
Урыстәылатәи аспециалистцәа Аҟәатәи амшынбаӷәаза асқьалеи авокзал ахыбреи рҭагылазаашьа ҭырҵааит. Ахыбра ахархәара алшоит, аиҭашьақәыргыларатә усурақәа рынагӡарагьы иазыхиоуп ҳәа аанацҳауеит Аԥснытәи амшынӷбарныҟәара. Иҟаҵоу алкаа инақәыршәаны, асқьала ахархәареи ԥхьаҟа аинфраструктура аиӷьтәреи рзы ишәарҭадоуп ҳәа азгәаҭоуп. Уи ахыбра аҿиаразы апроектҟаҵареи апланҟаҵареи рахь аиасра алнаршоит.
Амҩатә машәыр ҟалеит Аҟәа Синоп аҳаблаҿы ҳәа Sputnik иазеиҭеиҳәеит Аԥсны Аҳәынҭавтоинспекциа аиҳабы Дамеи Аҩӡба.Nissan аԥсҟы зкыз аԥҳәыс авариатә ҭагылазаашьа аԥылҵеит, уи иахҟьаны х-машьынак еиҿасит иҳәеит иара.Nissan иҭатәаз ҩыџьа ахәыҷқәа акгьы рмыхьӡеит, амашьынаныҟәцаҩ лшьапы ԥҵәаны ахәышәтәырҭахь днаргеит. Амашәыр иалахәыз егьырҭ ауаагьы ааха рмоуӡеит.