Аԥсны Арбџьармчқәа рыдҵаҟаҵаҩ хада Бадра Гәынба днеит Атәылахьчара аминистрра аполигон ахь.Арбџьармчқәа Рыштаб хада аиҳабы Владимир Савченко ахада адырра ииҭеит аиҳабацәа алархәны аоператив-ҽеизгаратә ҽазыҟаҵарақәа рзы аусмҩаԥгатәқәа шцо.
Владимир Путин Урыстәылеи Индиеи рыбжьара астратегиатә еиҩызара ашьаҭа шьҭеиҵеит 25 шықәса раԥхьа иҳәеит Индиа аԥыза-министр Нарендра Моди.Иара Урыстәыла ахада зус здыруа напхгаҩуп ҳәа изиҳәеит, Индиа аус ацураҿы еицакрада иааирԥшуа агәацԥыҳәаразы ҭабуп ҳәа иеиҳәеит.Путини Модии Ҳаидарабадтәи аҳҭынраҟны реицәажәара ҩ-сааҭк инареиҳаны ицон. Уи анхыркәшаха дара ажурналистцәа аинтервиу рырҭеит.Моди иара убасгьы еиҭеиҳәеит Урыстәылеи Индиеи хара имгакәан атуристтә гәыԥқәа рзы 30 мшы визадатәи арежим амҩа шаадыртуа.Владимир Путин аиҿцәажәарақәа хра рыманы, ихәарҭоу ракәны иҟан ҳәа иҳәеит, 2030 шықәсанӡа Урыстәылеи Индиеи русеицура аҿиаразы апрограмма акәзаргьы, ишазеиқәшаҳаҭхаз азы адырра ҟаиҵеит.
Аԥыза-министр ихаҭыԥуаҩ Џьансыхә Нанба напхгара зиҭо Аԥсны аиҳабыра рделегациа Ҟрымҟа официалтә усутә ныҟәарыла иаҭааит ҳәа адырра ҟаиҵеит урыстәылатәи арегион ахада Сергеи Аксионов Telegram-канал аҿы.Ҟрым ауааԥсыра даара ахә ҳаракны иршьоит Урыстәылеи Ҟрыми рганахьала Аԥсны иааннакыло апозициа ҳәа азгәеиҭеит иара.Иагьазгәеиҭеит Ҟрыми Аԥсни еиуеиԥшым ахырхарҭақәа: аекономика, ахәаахәҭра, атуризм, аспорт, аҭҵаарадырра, аҿар рполитика рыла аусеицура арҿиара иаҿуп.
Ҟрыми Аԥсни рнапхгара иааиуа хышықәса рзы аусеицуразы аԥкаанҵа рнапы аҵарҩит.Араион ахь инеит Аԥсны Аминистрцәа реилазаара аделегациа.Аҭаара аҳәаақәа ирҭагӡаны, Симферополь ақалақь аҿы 2025-2027 шықәсазы еиуеиԥшым ахырхарҭақәа рыла ареспубликақәа русеицура аплан алацәажәаразы аилатәара мҩаԥысит. Аганқәа еиқәшаҳаҭхеит Аԥснынтәи Ҟрымҟа наҟ-ааҟтәи абизнес-миссиа амҩаԥгареи, Иалтатәи аекономикатә форум аҿы Аԥсны аекономикатәи аинвестициатәи лшара аӡыргаразы.Аефирхәшатә аалыҵ аарыхреи аус адулареи рзы аԥышәа аимдара шхымԥадатәиу азгәаҭан. Иара убасгьы, еиқәшаҳаҭхеит Ҟрымтәи агроааглыхратә еиҿкаарақәа аус рыцуразы агәазыҳәара змоу аԥснытәи анаплакқәа рсиа аиқәыршәаразы
Ԥхынҷкәын 6 рзы Аҳабла ҿыц аҿы автобусқәа рныҟәара шыԥкхо азы адырра ҟанаҵеит ақалақь ахадара. Лагәлаа имҩаҿы аремонттә усурақәа ирыхҟьаны амаршрут "Аџьармыкьа - Аҳабла ҿыц" автобусқәа аҩбатәи ахыкәшарала, Уасил Лакобеи Чалмази амҩақәа рганахьала изнеиӡом.