Бадра Гәынба дидикылеит анапхгаратә ҟазарҭа "Сенеж" аректор Андреи Бетин.Бетин ареспубликахь дааит аицлабра "Аԥсны акоманда" алахәылацәа рҵарадырра аизырҳаразы агәраргагақәа ранашьаразы ҳәа аанацҳауеит аҳәынҭқарра ахада ипресс-маҵзура.Атәыла ахада инаҵшьны иазгәеиҭеит, Аԥсны шазхиоу анаҩсгьы ицырзеиԥшу апроектқәа рынагӡаразы."Иҷыдоу ари апроект ҳара иҳалнаршеит аполитикатә кадрқәа рышьақәыргылараҿы иҿыцу амаругақәа рхархәареи", — ҳәа азгәеиҭеит Гәынба.Андреи Бетин аҳәынҭқарра ахада ҭабуп ҳәа иеиҳәеит аҵарадырратә проектқәа рынагӡараҿы аплатформа "Урыстәыла – алшарақәа ртәыла" аусацуразы.
Урыстәыла АфШәМ Шәача иаанкылаз урыстәылауаҩ иҿцәажәара акьыԥхьит.Иара еиҭеиҳәеит маӡалатәи аусура шымҩаԥигоз – Краснодарынтәи Аԥсныҟа дцаны дшаауаз, уи аан украинатәи акураторцәа урыстәылатәи аҳаирхыхьчаратә мчқәа ркоординатқәа шриҭоз.Иаанкылоу Қырҭтәыла ала Украинаҟа дцар иҭахын, аха уахь иқәыз ауалқәа ирыхҟьаны дызцомызт.
Ԥсахара инхо ахаҵа даанкылоуп мҽхак ҭбаала анаркотикатә маҭәашьарқәа иҭиуан ҳәа гәҩарас дҟацаны.Иашҭхәа ақыҭан иҟаҵаз маӡала ашьҭаҵарҭа ҭыԥқәа рзы адыррақәа зныз аҭел имхуп 32 шықәса зхыҵуа Олег Аиба ҳәа аанацҳауеит Аҩнуҵҟатәи аусқәа рминистрра.Арҭ аҭыԥқәа рҿы азинхьчаратә усзуҩцәа ирыԥшааит аилаҳәыра хәыҷқәа ԥшьба аметадон згәылази даҽа ҩба амефедрон згәылази.Ашьаус аартуп, Аиба дҭакуп.
Аԥснытәи аҳәынҭқарратә университет аҿы Владислав Арӡынба диижьҭеи ԥшьынҩажәа шықәса аҵра иазку афотоцәыргақәҵа аатит.Ацәыргақәҵаҿы иарбоуп Аԥсны раԥхьатәи ахада иаҳасабала иԥсҭазаараҿ ихадаз аетапқәеи аиҳабыра русуреи зныԥшуа афотосахьақәа.Иара убасгьы иахьа ауниверситет аҿы имҩаԥгахоит Владислав Арӡынба игәалашәаратә хәылԥазыгьы
"Адыррақәа рыҩны" аадыртуеит Аԥсны.Ус еиԥш иҟоу аҩнқәа Урыстәылагьы имаҷуп ҳәа арадио Sputnik аефир аҿы еиҭеиҳәеит урыстәылатәи аилазаара "Адырра" адиректор ихаҭыԥуаҩ Георги Будныи."Аԥснытәи аҳәынҭқарратә университети ҳареи ҳаицәажәахьеит, аиқәшаҳаҭра ҳнапы аҵаҳаҩхьеит, уажәы ари аус ҳаҿуп", — азгәеиҭеит иара.Будныи иажәақәа рыла, "Адыррақәа рыҩны" ҳаамҭазтәи амультимедиатә маругақәа рыла еиқәдыршәоит, уи арккаратә усура знапы алазкырц зҭаху зегьы рзы иаартхоит.
Аԥснытәи арҵаҩцәа-амҩақәҵаҩцәа 19-ҩык рзанааҭ ҩаӡара ашьҭыхразы "Артек" аҵара иахысуеит.Жәаҳәарада, ҳара ҳҵасқәа ҳқьабзқәа ирыҵанакуа ҳмилаҭтә методика ҳамоуп, аха ҳзанааҭ ҩаӡара иҵегь ашьҭыхраз ҳаҟоуп еиуеиԥшым азнеишьатә курсқәа ҳархысуеит ҳәа азгәеиҭеит арадио Sputnik аинтервиу азҭаз арҵаҩы–амҩақәҵаҩ Аслан Хәарцкьиа.