Аҩада Гәылрыԥшь ақыҭан иҟоу аӡиас Парнаут аӡыршьҭра арыцқьара иалагеит иҳәеит Маҷара ақыҭа ахада Денис Ҳаџьымба.Ирыцқьахоит 700 метра аӡыршьҭра.Анхарҭа-коммуналтә усбарҭа ахада Ҭемыр Наҷҟьебиа иажәақәа рыла, аусурақәа араион ахарџьи алеи рхатә техника ҷыда амчалеи имҩаԥысуеит.Ақәаршҩы анлеиуаз аӡиас шьҭыҵын амҩа ҵнаӡәӡәааит, уигьы аремонт азыруеит.
Урыстәыла АфШәМ аусзуҩцәа Волгодонск атеракт аԥдырҟәҟәааит.Астудентка-аҽшьҩы абомба зҭаз арҭмаҟ ақалақь ахадара ахыбраҿы ачынуаҩ илҭаанӡа сааҭбжак шлыгыз дааныркылеит.Илымхуп ааха узҭо ахәҭақәа — абруқәа, абруҭақәа, аҵәымӷқәа рыла еибыҭоу инапылаҟаҵароу арҭҟәацга.Иааныркылаз еиҭалҳәеит ақалақь акалҭ иахьаҵанакуа аҵәахырҭаҿы арҭмаҟ шышьҭылхыз, иарбоу аамҭазы аҭыԥ ахь иналгар шакәыз.АфШәМ аҿы иазгәарҭеит, аԥҳәызба аинтернет-цәгьаршыҩцәа дышрыӡхәхаз.
Аԥсны Урыстәылаҟа 19 нызқь тонна инареиҳаны амандарина дәықәнаҵахьеит асезон иалагазар.Ҵыԥх ари аамҭахҵәазы атәыла иалган 24 нызқь тонна амандарина.Иара убас Аԥснынтәи Урыстәылаҟа идәықәырҵоит егьырҭ ашәырқәа: афеихоа, алимон, ахәырма, апатырқал.
82 нызқьмааҭ рыхә апиротехника рымырхит аҟәатәи аџьармыкьаҿы.Аҳҭнықалақь аҿы инхо М.К. Каџьаиа азиншәҟәқәа зцымыз 182 цыра атауар лыдырбалеит ҳәа аанацҳауеит Аҳәынҭқарратә ҳазалхратә еилакы.Апиротехника Китаи иҭрыжьит, адыргаҭарақәа қырҭшәала ирнын.Аԥҳәыс илҳәеит аиҭаҭиразы атауар шаалхәаз, лхаразы ахараԥса ашәара дшазыхиоу.Аус аматериалқәа Аԥсны Аҳәынҭқарратә ҳазалхратә еилакы аусеилыргареи аҳазалхратә ҭҵаареи рыҟәшахьы инашьҭуп.
Аԥсны акультура аминистрра агастрольтә план инақәыршәаны сынтәа 12 концерт мҩаԥган, абри атәы арадио Sputnik иазеиҭеиҳәеит Аԥсны акультура аминистрра аспециалист хада Адамыр Гәынба.Арҿиаратә коллективқәа зегьы, атеатрқәа убрахь иналаҵаны араионқәа рҟны ақәгыларақәа еиҿыркаауеит ҳәа азгәеиҭеит иара." Имҩаԥаҳгаз зегьы рҟынтәи иалскаауекит — ахәыҷтәы хореографиатә ансамбльқәа "Абжьыуааи" "Абазеи" Очамчыра реицықәгылара. Абас еиԥш иҟоу апроектқәа рымҩаԥгара аҭахуп ҳәа сыԥхьаӡоит", — иҳәеит иара.