Аԥсны адәныҟатәи аусқәа рминистр Олег Барцыци Аԥсны иҟоу МККК Амиссиа ахада ҿыц Валериа Џьемеллои аусеицура азҵаарақәа ирылацәажәеит.Аиԥылара ихы алаирхәит Амиссиа ахада иҳасаб ала зусура хзыркәшо Чынгыз Раиымбеков, уи далацәажәеит Аԥсны иҟоу МККК аусура ахырхарҭа хадақәеи ари амаҵураҭыԥ аҿы иҟазаара иалагӡаны имҩаԥгаз аусура аихшьаалақәеи ртәы ҳәа аанацҳаит Аԥсны Адәныҟатәи аусқәа рминистрра апресс-маҵзура.Аԥсны иҟоу МККК Амиссиа ахада ҿыц аусура далагоит 2026 шықәса ажьырныҳәа 12 рзы.
Атуристтәи апассаџьыртәи мҩангарақәа рзы амшынтә баӷәаза аатуеит 2026 шықәса аԥхынразы, Сириус.Абри атәы азгәаҭоуп афедералтә ҵакыра ахада Дмитри Плишкин иӡыргара аҟны.2030 шықәсазы абаӷәаза аусура аларгара аҩбатәи аетап иазгәанаҭоит — Аԥсни, Ҭырқәтәылеи, Қырҭтәылеи рахь жәларбжьаратәи аимадара ашьақәыргылара. Плишкин иажәақәа рыла, 2026 шықәса нанҳәамзазы иӡырыргоит аекскурсиатә маршрутқәа ҩбеи атранспорттә маршрутқәа ҩбеи, апаранқәа уажәгьы ахархәара рымоуп. Асезон иалагӡаны урҭ рхы иадырхәар рылшоит 100 нызқьҩык рҟынӡа ауааԥсыра.
Аԥснытәи аҳазалхыҩцәа ашәҟәы иҭагаламыз афеиерверкқәа рымырхит агәаҭаратә ҭыԥ "Ԥсоу" аҿы.Аԥсныҟа аҳәаа иахысуаз урыстәылауаҩ Владимир Шабанов имашьына агәаҭараан иԥшаан аилаҳәара еиқәаҵәақәа ирҭаз 32 феиерверк, абри атәы аанацҳауеит Аҳәынҭқарратә ҳазалхратә еилакы.Шабанов атауармҩангагатә шәҟәқәа имамызт. Аус аматериалқәа Аԥсны Аҳәынҭқарратә ҳазалхратә еилакы аусеилыргареи аҳазалхратә ҭҵаареи рыҟәшахьы инашьҭуп.
Актриса Ольга Спирина РУСДРАМ атруппахь дрыдыркылеит.Абри аҩыза аӡбамҭа рыдыркылеит лара аспектакль "Едит Пиаф" аҟны лдебиут ашьҭахь.Ольга Спирина дызлахәу ақәыргыламҭақәа иреиуоуп — ашықәсҿыцазтәи аспектакль "Иҵааршәу аҳкәажә", уи аԥхьарбара мҩаԥгахоит ԥхынҷкәын 27 рзы, лара апринцесса Ельза лроль налыгӡоит, абри атәы аанацҳауеит атеатр."Ольга илыдаҳныҳәалоит — абаҩхатәра злоу, еилыхха иҟоу, иблахкыгоу адәахьтәи адыррақәа змоу актрисоуп лара, гәахәароуп, ҳкоманда дахьахәҭакхаз", — аҳәоит РУСДРАМ адырраҭараҿы.Спирина — Иркутсктәи атеатртә ҵараиурҭа доушьҭымҭоуп, Москва асценатә ҟазара Иреиҳаӡоу ашкол латәаратәи-латәарадатәи аҟәша дастудентуп.