Ашьха-шьапыланыҟәаратә маршрут ҿыцқәа аус рыдырулоит Аԥсны ҳәа арадио Sputnik аҟны еиҭеиҳәеит атуризм аминистр Асҭамыр Логәуа."Ҳара уажәы аиҿцәажәарақәа мҩаԥаагоит, иара убас ашьха-шьапыланыҟәаратә гидцәа ҳзыҟазҵало аилахәырақәеи ҳареи аиқәшаҳаҭрақәа ҳабжьоуп", — ҳәа азгәеиҭеит иара.Логәуа иажәақәа рыла, ари аҩыза азыҳәа ыҟоуп Аԥсны иаҭаауа асасцәа рҟынтәи.2025 шықәсазы Аԥсны мрагыларатәи ахәҭа аҿиара акыр ахшыҩзышьҭра аҭан урыстәылатәи атурист ареспублика ари ахырхарҭа еиҳагьы еиӷьны еиликаарц азы иҳәеит аминистр.
Тҟәарчал ашьхашәаҩатә курорт — Аԥсны мрагыларатәи ахәҭаҿы атуризм аҿиаразы "иуасхырхар" алшоит, иҳәеит арадио Sputnik аефир аҟны Аԥсны атуризм аминистр Асҭамыр Логәуа."Ҳара уи азы аинвестициақәа ҳрышьҭалоит", — азгәеиҭеит иара.Абри аҩыза иҿырҧшыгоу проектны иҟоуп Шәачатәи Гәыбаадәы иҳәеит Логәуа, уи ашықәс зегьы атуристцәа аднаԥхьалоит.
Аԥсны ԥхынҷкәынмза алагамҭа инаркны 130 хҭыс инареиҳаны агрипп шьақәырӷәӷәоуп.Иахьатәи аамҭазы Аҟәатәи аҿкчымазаратә хәышәтәырҭа уахыки-ҽнаки рыла шәҩык инареиҳаны ачымазцәа аднакылоит. Астационартә хәышәтәра иахысуеит 20-ҩык ахәыҷқәеи 15-ҩык адуцәеи.Асезонтә грипп ашыкьымҭа ажьырныҳәамза анҵәамҭеи жәабранмза алагамҭеи роуп. Анаҩс ачымазара аҽеиқәнакуеит лҳәеит Аԥсны асанитартә ҳақьым хада Алла Белиаева, Аԥсуа телехәаԥшра аинтервиу аналҭоз .Ачымазара маҷк аҽацәыхьчара алнаршоит — ианаамҭоу алаҵаҟаҵара лҳәеит Белиаева.
2025 шықәсазы 12 миллионҩык инареиҳаны ауааи 2,7 млн транспорттә хархәагақәеи аушьҭырҭатә ҭыԥ "Адлер" иахысит.Ари аамҭа иалагӡаны административтә зинеилагарақәа рзы 2500 уси 36 шьауӷатә уси хацыркын, уи ҵыԥхтәи ашықәс ари аамҭахәҭа арбагақәа раасҭа 22% рыла еиҳауп ҳәа аанацҳауеит Аладатәи аҳазалхратә усбарҭа апресс-маҵзура.Урҭ рахьынтә закәаншьаҭада аҭаҭын аалыҵқәа аҳәаа рахыгаразы 902 шьаус хацыркуп, ирымхуп 1 млн цыра инареиҳаны аҭаҭынқәа, уи — 5 000 ҭоԥ.Закәаншьаҭада арыжәтәџьбара аҳәаа ахыгара аҽазышәаразы ихацыркуп 307 ус, ирымхуп 2000 литра рҟынӡа ззин ыҟам арыжәтәқәа.
Нижни Новгород Қьырсаныҳәатә хортә уахәамаҿы Аԥсны аҳәынҭқарратә хортә капелла ақәгылара хҭыс дуӡӡоуп иҳәеит адирижиор Нодар Ҷанба."Ҳара аурыс қьырсаныҳәатә музыка, аԥсуа жәытә ашәа ҳҳәоит", — азгәеиҭеит Ҷанба арадио Sputnik аефир аҟны.Аконцерт мҩаԥгахоит ажьырныҳәа 16 рзы. Иара убри амш аҽны аԥснытәи артистцәеи Нижни Новгород акамертә хори дареи аконцерт еицымҩаԥыргоит.Ажьырныҳәа 19 рзы Москва Аиқәырхаҩ Иаса Қьырса Иныхабаа Ауахәаматә еизарақәа рзал аҿы аконцерт мҩаԥыргоит, ажьырныҳәа 20 рзы Урыстәылазегьтәи аҟазаратә музеи аҟны имҩаԥгахоит иуникалтәу даҽа концерткгьы иҳәеит Ҷанба.