Аҟәатәи ақалақьтә хәшәтәырҭа Ацхыраара ласы амашьына ҿыц арҭеит. Амашьына ачымазцәа рымҩангаразы иахәҭоу амаругақәа зегьы рыла еиқәыршәоуп. Ари Санкт-Петербург ҳҭнықалақь иазыҟанаҵаз аҳамҭоуп. Уи анаҩсангьы, Аҟәа иаиуит атроллеибусқәа 10 ҳәа иҳәеит. Ақалақь ахада ихаҭыԥуаҩ Асҭамыр Ашәба.
Аԥсны иазку раԥхьатәи акомпиутертә хәмарра цәырҵыр ҟалоит. Ахәмарра аус адызуло Станислав Морозов иажәақәа рыла, ари ахықәкы изцәырыргеит Аԥсны аҭоурыхи аԥсабаратә ԥшӡарақәеи. Ахәмаррақәа аус рыдуларазы Морозов аԥышәа имоуп, асоциалтә ҳақәа рҿы икьыԥхьымҭақәа ирықәҿырҭит ацхыраара иазхиоу апрограммистцәа. Ахәмарра ҩ-режимк азԥхьагәанаҭоит, уи Анаҟәаԥиатәи абаа иазкхоит. Аус адулара шықәсык аҟара иадхалоит.
"Nestlé" иатәу ахәыҷқәа рыфатә ашҳам алазар ҟалоит ҳәа гәҩарас иҟаҵаны 108 банка рымхуп ахәшәҭирҭақәеи адәқьанқәеи 54 рҟны. Абри атәы арадио Sputnik аефир аҿы илҳәеит Аԥсны Аҳәынҭстандартқәеи ахархәареи атехникатә хылаԥшреи реилак аспециалист хада Мадина Гындиаԥҳа. Лара дазааҭгылеит, иахьазы Аҳәынҭстандарт имҩаԥнаго аусурақәеи, ас еиԥш иҟоу аԥкрақәа зызкуи, насгьы ҳтәылаҿы ари аалыҵ ззеицәахаз алкаау иалкааму ртәы
Ашықәсҿыцазтәи аныҳәақәа раан 7-нызқьҩык рҟынӡа атуристцәа Гагра иаҭааит. Ари, ҵыԥх иара абри аамҭахәҭазы аасҭа 20-25% рыла еиҳауп ҳәа арадио Sputnik аефир аҿы еиҭеиҳәеит араион ахадара атуризм азы аусбарҭа аиҳабы Дамеи Базба. Иара иазгәеиҭеи,т ахәыҷқәа аԥхынраз Гагра аԥсшьара еиҳа аинтерес шрымоу, аха аӡынгьы шыгәҿыӷьрам — ақалақь аҿы аус руеит ахәыҷтәы рҿиаратә центр, акинозал, абоулинг, имҩаԥысуан ашықәсҿыцазтәи еиуеиԥшым аусмҩаԥгатәқәа.