Бадра Гәынбеи Урыстәыла Афедералтә шәахтә маҵзура анаԥхгаҩы ихаҭыԥуаҩ Иулиа Шепелевеи ашәахтә напхгара аганахьала аусеицура азҵаарақәа ирылацәажәеи.Аҳәынҭқарра ахада иазгәеиҭеит, урыстәылатәи атехнологиақәа ареспубликаҿы ралагалара абиуџьет ахашәалахәы аизырҳара иацхраауеит ҳәа."Ари ҳтәылақәа рыҿиаразы аҭагылазаашьа бзиақәа раԥҵаразы аҩганктәи аџьабаа ауп. Уи ҳшәахтә системазы иҷыдоу лшароуп", —иҳәеит иара.Шепелева инаҵшьны иазгәалҭеит, аҩ-ҳәынҭқаррак русбарҭақәа рыбжьара аицәажәарақәа шыҟоу, Урыстәылатәи аган ахыдҵақәа ианаамҭоу ишахәҭоу ишынанагӡо.
Аԥсны атәылауаа урыстәылатәи амашьынаныҟәцаратә зиншәҟәқәа аиуразы арзаҳалқәа алазҵахьаз ироур рылшоит Сириус абри аҭыӡҭыԥ ала: Краснодартәи атәылаҿацә, афедералтә ҵакырадгьыл Сириус, Станиславски имҩаду 1А, 5-тәи аҽхышә аҿы", —иҳәеит Аҳәынҭавтоинспекциа аиҳабы ихаҭыԥуаҩ Рауль Ҳагба.Иара ишиҳәаз ала урыстәылатәи амашьынаныҟәцаратә зиншәҟәы аиуразы арзаҳалқәа ралаҵара ҟалоит иахьыкәзаалак Урыстәыла АҩАР ААИ аҟәшаҿы мшаԥы 1 аҟынӡа. Ирмариоу арзаҳалқәа рыдкылара аԥҟарақәа рҽырымԥсахӡеит ҳәа Sputnik иазеиҭарҳәеит ареспублика ААИ.
2025 шықәсазы 2,7 миллион инареиҳаны амашьынақәа аԥсуа-аурыс ҳәаа иахысит.Аушьҭырҭатә ҭыԥ "Адлер" аҳәаахьчаратә ҭыԥқәа рсиаҿы актәи аҭыԥ ааннакылеит атранспорт ахысра ахыԥхьаӡарала ҳәа рҳәоит Урыстәыла Атранспорт аминистрра адыррақәа.Аҩбатәи аҭыԥ аҿы игылоуп "Аҩадатәи Ларс". Уи "Адлер" акыр иаҵахоит. Уаҟа аҳәынҭқарратә ҳәаа шықәсык аҩнуҵҟала иахысит 1,2 миллион машьына.Аԥсны аҳәааҿы иҟоу АҬ — Урыстәыла зегь реиҳа ақәыӷәӷәара змоу ҳәа ишьоуп. Уажәы иара дырҿыцуеит амилаҭтә проект "Хра злоу атранспорттә система" ашьаҭала. Иазгәаҭоуп уи аушьҭратә лшара 9,5-нтә рҟынӡа еизҳап ҳәа, аамҭакала 100 машьына рҟынӡа рышәҟәҭагалара алшо.
10-15 шықәса раахыс ҳлицеи-интернат аҿы акадртә дефицит ҳамаӡам ҳәа лҳәеит арадио Sputnik аефир аҿы К. Ӡиӡариа ихьӡ зху Аҟәатәи алицеи-интернат аиҳабы Лариса Капԥҳа.Иазгәалҭеит, роушьҭымҭацәа рыбжьара ишыҟоу иреиҳау аҵараиурҭақәа ирылганы дара рахь аусура инеизгьы. Аинтернат анапхгаҩы илҳәеит аҵаҩцәа ажәбатәи акласс анхдыркәшалак анаҩс, зҵара ацҵара зцәыуадаҩу аколлеџьқәа ишырҭарҵо, дара ирҭаху ахырхарҭақәа рыла. Иара убасгьы дазааҭгылеит изхыҿхәаша, Аԥсны анҭыҵ иреиҳау аҵариурҭақәа ирҭалаз роушьҭымҭацәагь шыҟоу.
Аҟәа Ацәыргақәҵатә зал хадаҿы алектори аадыртуеит.Уи еиҿыркаауеит ааигәа еиҭашьақәдыргылаз АЗХ аԥшьбатәи азал аҿы. Уаҟа имҩаԥгалахоит асахьаҭыхыҩцәеи аҟазараҭҵааҩцәеи рԥылара. Актәи аиԥылара мҩаԥгахоит хәажәкырамза алагамҭазы."Ахәаԥшҩи ҳареи ҳаиҿцәажәара ахәаԥшра адагьы, дазыӡырҩыртә, даԥхьартә, дазхәыцыртә, ихаҿы иааигартә еиԥш ашьақәыргылара ҳҽазаҳшәоит. Араҟа, шықәсык аҩнуҵҟа имҩаԥгахоит аинырра хықәкы хаданы измоу аусмҩаԥгатәқәа", — ҳәа инаҵшьны иазгәалҭеит АЗХ адиректор Ельвира Арсалиаԥҳа.