Ауаажәларратә палатазы азакәан иалагалаз аиҭакрақәа амчра роуит иҳаҩсыз ашықәс анҵәамҭазы. Ишдыру еиԥш Ауаажәларратә палатаҿы аус зуа алахәылацәа рзинмчхарақәа рыҿҳәара нҵәоит ҳазҭоу ашықәс хәажәкырамзазы. Апарламент иаланагалаз аиҭакрақәа абанӡаныԥшуа апалата институтк аҳасабала, иара инанагӡо ароль абанӡаӷәӷәо ма иабанӡарԥсыҽуа. Ҳтәылаҿы Ауаажәларратә палата имамоу афункциеи аҭакԥхықәреи ртәы еиҳа инарҭбааны арадио Sputnik аефир аҿы ҳалацәажәарц ааԥхьара раҳҭеит аполитолог Беслан Ҳагбеи, Ауаажәларратә палата алахәыла, Ажурналистцәа Реидгыла ахантәаҩы Руслан Ҳашыги.
Шәазыӡырҩы аиҿцәажәара.