Аҟәатәи уаанӡатәи асанаториақәа МВО-и ПВО-и ушьҭарнахыс официалла урыстәылатәи арратә база ахьгылоу аҭыԥқәа рсиа иалгоуп. Уи азы аиҭакрақәа Апарламент адепутатцәа Аԥсны иҟоу еиду урыстәылатәи арратә база азы аиқәшаҳаҭра аиҭакрақәа ралагаларазы аԥкаанҵа аратификациазы азакәан иаларгалеит.Ар ахьгылоу аҭыԥқәа рсиа иалагалахоит иара абри аҵакыраҿы иҟоу аимадарҭа. Иара ҩ-гектарк рҟынӡа зҵазкуа ҭыԥуп иҳәеит Жәлар Реизараҿы Аԥсны ахада ихаҭарнак Дмитри Шамба.
ВДНХ иҟоу Аԥсны апавилион аиҭашьақәыргыларатә усурақәа хыркәшоуп Аҳәынҭқарра ахада Бадра Гәынба ааигәа Москва даныҟаз уи даҭааны аиҭашьақәыргылара алҵшәақәа гәеиҭеит.Иара идырбеит ирҿыцу апавилион аконцепциа, Аԥсны аҩнуҵҟатәи аалыҵи аинвестициатәи атуристтәи лшарақәа ирызкны ацәыргақәҵақәа ахьымҩаԥысуа, аекспозициатә залқәа.
2026 шықәса ҳаҭалазар Гагра араион аҿы 70 хыбра ҿыц ашәҟәы иҭаргалахьеит ҳәа арадио Sputnik аефир аҿы иҳәеит "Иҷыдоу Автонхамҩа" аиҳабы ихаҭыԥуаҩ Омар Зыхәба.Иара иазгәеиҭеит араион аҿы икоммерциатәым аргыларақәа 300 инареиҳаны аус шыруа. Иара убасгьы аргыларақәа рхыԥхьаӡара ишацло.Иҳәеит араион аинспекциа аргылара ҿыц ахьыҟоу аҭыԥахь ишцо ашәҟәынҵа рыманы. Исасааирҭоума, идәқьанума, ихцәыҟаҵарҭоума ахыбра иаҵанакуа аметрԥшьыркца ршәоит, нас иԥхьаӡаны ашәҟәы иҭаргалоит. Анаҩс аԥшәма дақәшаҳаҭзар инапы аҵеиҩуеит ҳәа азгәеиҭеит Зыхәба
Аԥсны адәыӷбақәа рныҟәара аамҭала иаанкылоуп.Гагра араион АИ агәаҭарҭатә ҭыԥ Баӷрыԥсҭа иахьаҵанакуа ацәқәырԥақәа аихамҩа ҵнаӡәӡәааит ҳәа аанацҳауеит Аԥсны аихамҩақәа.Адәыӷба Москва-Аҟәа Цандрыԥшь иаангылеит, иара уа иаангылеит "Диоскуриагьы". Адәыӷбақәа рпассаџьырцәа ахьнеиша рҭыԥқәа рахь машьынала инаргоит.Уажәы аихамҩа аусзуҩцәа аҭыԥ аҿы аус руеит, адәыӷбақәа рныҟәара хара имгакәа еиҭахацыркхап ҳәа иԥшуп
Мгәыӡырхәа ақыҭа ауааԥсыра иахаахыс лашарада иҟоуп, абри атәы Sputnik иазеиҭеиҳәеит "Амшынеиқәафымцамч" Гәдоуҭатәи аҟәша аиҳабы Ахра Гагәылиа.Алашара аҟамзаара мзызс иамазар ҟалоит иаха иасуаз аԥша ӷәӷәа. Аҭыԥ аҿы аремонттә бригада аус ауеит, аха макьаназы авольтҳарак цәаҳәа ааха ахьаиуз аҭыԥ аԥшаара залмыршахацт.Икаҳаз аҵлеи аҭелқәа реидыслареи ирыхҟьаны иаха алашара ыцәеит Афон ҿыц. Уа аҭыԥ змаз ааха аԥырххьеит ҳәа азгәеиҭеит Гагәылиа.