1993 шықәса хәажәкырамзазы Аҟәа агаразы ажәылараан иҭахеит 222-а аԥсуа аруаа, 23-ҩык хабарда ибжьаӡит.Марттәи ажәылараҿы иҭахаз ргәаладыршәеит иахьа Аԥсны араионқәазегь рҿы Гәдоуҭатәи амузеи аҿы иахьатәи амш инамаданы Марттәи ажәылара иазку ацәыргақәҵа "Зыԥсадгьыл зхы ақәызҵаз Афырхацәа" аатит. Ацәыргақәҵаҿы иаарԥшуп аоперациаҿы иҭахаз аруаа 222-а рфотосахьақәа. Афырхацәа рҭоурыхқәа аринахысгьы рыҭҵаара хымԥадатәиуп, урҭ ҳхаҳмыршҭыроуп ҳәа инаҵшьны иазгәалҭеит амузеи адиректор Гәыгәыца Џьыкырԥҳа.Ацәыргақәҵа хәажәкырамза нҵәаанӡа иаартызаауеит.
Урыстәыла атәылауаҩра змоу Аԥсны атәылауаа Урыстәыла амедицинатә цхыраара роуларц азы Ихымԥадатәу амедицинатә ԥгаԥса аҳәаақәа ирҭагӡаны Москва аиқәшаҳаҭра рыбжьарҵеит. Адокумент рнапы аҵарҩит атәылақәа рыҩба ргәабзиарахьчаратә министрцәа Едуард Быҭәбеи Михаил Мурашкои, афорум "Изҩыдоу ауаажәларра" аплошьадка аҟны.Ари ҳусеицура, ҳаиҩызара аҳәаақәа ирҭагӡаны, Аԥсны атәылауаа рыцхырааразы ишьаҿа дууп ", - иҳәеит Мурашко.
Аԥсни Урыстәылеи русеицуразы аҩтәылак аинтерес еицрымоуп ҳәа азгәеиҭеит Россотрудничество ахада, арадио Sputnik амҩаԥгаҩ Наала Мықәԥҳа "Аԥсны амедиа ҿыцқәа" рҟны лызҵаарақәа аҭак аныҟаиҵоз. 90% инацны Аԥсны ауааԥсыра урыстәылатәи атәылауаҩра рымоуп. Уи адагьы уахь ицо атуристцәа рхыԥхьаӡара дууп, амшын, амра, ашәыр. Ҳәарада, уа иҟоуп ҳарра-мшынтә мчрақәа, аҳәаахьчаҩцәа, абарҭ сгәанала, Аԥсни Урыстәылеи еицырзыфеидоушәа збоит", — иҳәеит Примаков.
Пицундатәи ауахәама аҿаԥшылараҿы иқәдыргылеит асахьаркыратә ҵырлашара апроект "Акультуратә лашара цәаҳәацыԥхьаӡа" аҳәаақәа ирҭагӡаны.Апроект "Аԥсны акомандеи" Пицундатәи аҭоурых-архитектуратә ҳәырԥсарра адирекциеи еицынарыгӡеит. Аҳәырԥсарра адиректор Даур Амԥар ишиҳәаз ала, алашара абаа аҭӡамц аҿы икыдҵоуп, иалхуп еиҳа иашьашәалоу аԥштәқәа.Пицундатәи ауахәама апроект аҳәаақәа ирҭагӡоу ари афбатәи обиектуп.