I жәларбжьаратәи аекономикатә форум "Аԥсны — ԥхьаҟатәи аинвестициақәа" аатит Аҟәа.Аусмҩаԥгатә иалахәуп атәыла ахада Бадра Гәынба, Аахыҵ Уаԥстәыла ахада Алан Гаглоев, Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, Жәлар Реизара адепутатцәа, Урыстәыла 15 региони, Аахыҵ Уаԥстәылеи рҟынтәи еиуеиԥшым аекономикатә усхкқәа рҟынтәи 500-ҩык инареиҳаны ахаҭарнакцәа.
Жәларбжьаратәи аекономикатә форум "Аԥсны — ԥхьаҟатәи аинвестициақәа" — иӷәӷәоу, ишәҭыкакаҷуа атәыла ашьақәыргыларазы акрызҵазкуа шьаҿоуп иҳәеит атәыла ахада Бадра Гәынба аусмҩаԥгатә аартраан.Иара иазгәеиҭеит зымҽхак ҭбаау афорум амҩаԥгара аекономика аҿиареи, ареспублика аинвестициақәа радыԥхьалареи ауааԥсыра рыбзазареи реиӷьтәреи ишацхраауа.Аԥсны азҿлымҳара ду амазаара, ари ареспублика алшареи уи аԥеиԥши рзы иреиӷьу шьақәырӷәӷәароуп ҳәа азгәеиҭеит Гәынба.
Владимир Путин афорум "Аԥсны — ԥхьаҟатәи аинвестициақәа" алахәылацәа рахь ааԥхьара ааишьҭит. "Урыстәыла Аԥсны ҿиара ӷәӷәала ишадгыло азгәасҭиот, уи аекономикатә ҭышәынтәалареи ашәарҭадареи рырӷәӷәара активла ишацхраауа. Ари аҵакы змоу, хымԥада аԥыжәара змоу ҳхыкқәа ируакуп", — аҳәоит Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко дзыԥхьаз аашьҭымҭаҿы "Урыстәылеи Аԥсни русеицура акомплекстә ҟазшьа амоуп, убри аҟнытә ԥхьаҟагьы иҟоу алшарақәа зегьы еиуиеԥшым ахырхарҭақәа рҟны ахархәара рыҭахоит ", — азгәеиҭеит Урыстәыла ахада.
Аԥсни Аахыҵ Уаԥстәылеи реизыҟазаашьақәа шьаҭас ирымоуп апатуеиқәҵареи, агәреибагареи, аидгылареи ҳәа иҳәеит Аахыҵ Уаԥстәыла ахада Алан Гаглоев, Аҟәа имҩаԥысуа Жәларбжьаратәи аекономикатә форум аартраҿы." Аахыҵ Уаԥстәыла ахада иҳәеит Урыстәыла инеиԥынкыланы адгылара шыҟанаҵо аинфраструктура аиӷьтәраҿы, асоциалтә усхк аҿиараҿы, Аԥсни Аахыҵ Уаԥстәылеи ринвестициатә проектқәа рынагӡараҿы. "Ари иҭышәынтәалоу аекономикатә еизҳареи, аҳәынҭқарратә институтқәа рырӷәӷәара аизырҳареи рзы ашьаҭа бзиа шьақәнаргылоит ", — ҳәа азгәеиҭеит
Аинформациатә маҵзура Sputnik Аԥсны астудиа аус ауеит Жәларбжьаратәи аекономикатә форум "Аԥсны — ԥхьаҟатәи аинвестициақәа" аҟны. Ҩымш рыҩнуҵҟа алахәылацәа еиҭарҳәалоит аусмҩаԥгатә шымҩаԥысуа, Аԥсны азы иарбан економикатә лшарақәоу иаатуа атәы.