Ақалақь фырхаҵа Тҟәарчал иахьа 84 шықәса ахыҵит. Амш ныҳәа рыцазгәанаҭоит шьыжьы илеиз асы.Ақалақь агәҭа ақәабаа-сабаа леит.Амшцәгьа — аныҳәатә усмҩаԥгатәқәа иаԥырхагам. Атәыла анапхгара ахаҭарнакцәа, Жәлар Реизара адепутатцәа, ақалақь асасцәеи ауааԥсыреи ашьыжь Владислав Арӡынба ибаҟа амҵан ашәҭқәа шьҭарҵеит . Амшцәгьа иахҟьаны аныҳәатә программа аӷьырак администрациа ахыбраҿы имҩаԥысуеит
Иахьа инаркны 14 шықәса зхымҵыц урыстәылауаа Аԥсны аҳәаа ахысра рылшоит аиразы аршаҳаҭгала.Уи шьаҭас иамоуп Урыстәыла ахада мшаԥымза 1 азы инапы зҵеиҩыз аусԥҟа.Аусԥҟа амч амоуп 2027 шықәса ԥхынҷкәын 31 рҟынӡа. Уи адагьы, Урыстәылантәи Аԥсныҟа аара алшоит аҳәаанырцә тәылауаҩшәҟәқәа рылагьы.
Амшаԥныҳәа хымш шагу иазгәарҭоит Аԥшьаша Ду – Ицқьоу Аԥшьаша амш.Аԥсуаа рҟны ари амш Чхадыл,мамзаргьы Чачхадыл ахьӡуп.Ари амш зегь раԥхьа иргыланы ихадароу аишәа аргылароуп. Ари амшаԥныҳәа ааира азԥхьагәазҭо ахԥатәи еишәаргылароуп, шәыла-бысҭалеи кәацла-бысҭалеи иргылаз аишәақәа раамышьҭахь.
Аҧсны иааиуа аусуратә мчыбжьы мышкала икьаҿхоит. Мшаԥы 12 Амшаԥныҳәа азгәарҭоит, уи иашьҭанеиуа ашәахьа — ԥсшьарамшны ирылаҳәоуп.